Имрӯз дар Кумитаи кор бо занон ва оилаи назди Ҳукумати Ҷумҳурии Тоҷикистон ҷаласаи ҷамъбастии натиҷаҳои фаъолияти Кумита дар се моҳи аввали соли 2026 баргузор гардид. Ҷаласа таҳти раёсати Раиси Кумитаи кор бо занон ва оилаи назди Ҳукумати Ҷумҳурии…
Имрӯз дар Кумитаи кор бо занон ва оилаи назди Ҳукумати Ҷумҳурии Тоҷикистон ҷаласаи ҷамъбастии натиҷаҳои фаъолияти Кумита дар се моҳи аввали соли 2026 баргузор гардид. Ҷаласа таҳти раёсати Раиси Кумитаи кор бо занон ва оилаи назди Ҳукумати Ҷумҳурии Тоҷикистон Файзиддинзода Бунафша бо иштироки ҳузурӣ ва маҷозии муовинони раиси Кумита, сардорони раёсат, мудирони шуъба ва бахшҳои кор бо занон ва оилаи мақомоти иҷроияи ҳокимияти давлатии ВМКБ, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ доир шуд.
Дар ҷаласа таҳлили фаъолияти се моҳа ҷамъбаст ва натиҷагири ва вазифаҳо барои марҳилаи минбаъда муайян ва муҳокима гардиданд.
Зимни таҳлил ва баррасии фаъолияти раёсат, шуъба ва бахшҳои кор бо занон ва оилаи вилоятҳо ва шаҳру ноҳияҳои ҷумҳурӣ Раиси Кумитаи кор бо занон ва оилаи назди Ҳукумати Ҷумҳурии Тоҷикистон Файзиддинзода Бунафша, ба масъулин вобаста ба масъалаҳои маблағгузории барномаҳои давлатии самти кор бо занон ва оила, пешгирии пошхӯрии оилаҳо, никоҳҳои бармаҳал, аз таҳсил дур мондани фарзандон, махсусан, духтарон, ҳолатҳои ҷинояткории занон, худкушӣ ва суиқасд ба ҷон, пешгирии бемориҳои сироятии вируси норасоии масунияти одам даъват ба амал оварда, аз масъулин ҷиҳати ҷоннок намудани корҳои тарғиботию ташвиқотӣ, созандагиву ободонӣ, арҷгузорӣ ба фарҳанги миллӣ ва дигар масъалаҳои умдаи рӯз дастуру супоришҳои мушаххас доданд.
