Гусели ботантанаи наваскарон

Чорабинӣ аз ҷониби Мақомоти иҷроияи ҳокимияти давлатии нохияи Синои шаҳри Душанбе дар фазои тантанавӣ ва руҳбаландкунанда баргузор гардида, бо садои карнаю сурнай ва барномаи рангини фарҳангӣ ҳусни тоза касб намуд. Дар ин рӯз теъдоди назарраси ҷавонони бонангу номуси ноҳия ихтиёран барои адои қарзи шаҳрвандии худ — хизмати ҳарбӣ сафарбар гардиданд.

Дар маросими тантанавӣ муовинони Раиси ноҳия Бахтиёр Шарифзода, Фаррух Хусравзода, инчунин дигар масъулини ноҳия, мудирони шуъбаву бахшҳо, навдаъватшудагон ва падару модарони онҳо иштирок варзиданд.

Зимни суханронии худ масъулин таъкид намуданд, ки ҳимояи Ватан қарзи муқаддаси ҳар як ҷавонмарди бонангу номус буда, хизмати ҳарбӣ мактаби ҷасорат, мардонагӣ ва ватандӯстист. Ҳамзамон, ба падару модарони навдаъватшудагон барои тарбияи чунин фарзандони шуҷову далер изҳори сипосу миннатдорӣ баён гардид.

Дар идомаи чорабинӣ аз ҷониби Мақомоти иҷроияи ҳокимияти давлатии ноҳия барои наваскарон дастархони идона ороста шуда, барномаи ҷолиби консертӣ бо иштироки ҳунармандон пешкаш гардид, ки ба чорабинӣ шукуҳу шаҳомати хоса бахшид.