31 августи соли 2026 дар толори маҷлисгоҳи дастгоҳи марказии Кумита, Роҳбарият ва ҳайати кормандони Кумитаи ҳифзи муҳити зисти назди Ҳукумати Ҷумҳурии Тоҷикистон суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба муносибати Рӯзи дониш ва Дарси сулҳ, ки дар муассисаи таҳсилоти миёнаи умумии №105-и ноҳияи Шоҳмансури шаҳри Душанбе баргузор гардид, ба таври мустақим дастаҷамъона тамошо намуданд.
Дар Ҷумҳурии Тоҷикистон соҳаи маориф ҳамчун яке аз самтҳои афзалиятноки сиёсати иҷтимоии давлат мавқеи муҳим дошта, рушди он барои омода намудани насли соҳибмаърифат, ватандӯст, дорои ҷаҳонбинии васеъ ва масъулиятшинос заминаи асосӣ ба ҳисоб меравад.
Таваҷҷуҳи пайвастаи Пешвои миллат муҳтарам Эмомалӣ Раҳмон ба соҳаи маориф аз он шаҳодат медиҳад, ки илму маориф дар меҳвари сиёсати давлатӣ қарор дошта, рушди сармояи инсонӣ, баланд бардоштани сифати таълиму тарбия ва фароҳам овардани шароити муносиб барои таҳсили насли наврас аз самтҳои муҳими сиёсати давлат ба шумор мераванд. «Дарси сулҳ» барои аҳли ҷомеа, бахусус насли наврас, бозгӯи аҳамияти сулҳу субот, ваҳдати миллӣ, худшиносии миллӣ ва эҳтиром ба арзишҳои давлатдорӣ мебошад. Зеро сулҳу оромӣ заминаи муҳим барои рушди ҳамаи соҳаҳо, аз ҷумла илму маориф ва тарбияи насли созандаву ояндасоз мебошад.
Кормандони Кумита низ нақши муҳимми маорифро дар тарбияи насли ҷавон ва ташаккули фарҳанги шаҳрвандӣ сармашқи кори худ қарор дода, дар маърифатнокӣ, таҳкими сулҳу ваҳдат, якпорчагӣ ва рушди устувори ҷомеа бо масъулияти баланд саҳмгузор мебошанд.
