Санаи 27 уми феврали соли 2026 омӯзиши идоравӣ оид ба сафарҳои хориҷии хизматчиёни давлатӣ ба хориҷа бо иштироки муовини вазир Ш.Норзода, сардори Раёсати кишварҳои Осиё ва Уқёнуси Ороми Вазорати корҳои хориҷии Ҷумҳурии Тоҷикистон Ҷонон Шералӣ Саидамир, кормандони дастгоҳи марказӣ ва сохторҳои вазорат баргузор гардид.
Дар чорабинӣ Шералӣ Ҷонон оид ба риояи ҳатмии талаботи Амри Президенти Ҷумҳурии Тоҷикистон аз 30 апрели соли 2020, № АП-1377 «Дар бораи тартиби сафарҳои хориҷии хизматчиёни давлатӣ», меъёрҳои одоби дипломатӣ, масъулиятшиносӣ ва сатҳи баланди касбият маълумот дода, таъкид намуд, ки зимни сафарҳои хориҷӣ ҳар як хизматчии давлатӣ ҳамчун намояндаи расмии давлат вазифадор аст, обрӯ ва эътибори Ҷумҳурии Тоҷикистон ва миллати тоҷикро дар арсаи байналмилалӣ ҳифз ва муаррифӣ намояд.
Зимни омӯзиши идоравӣ саволу ҷавоб сурат гирифта, иштирокдорон аз масъалаҳои матраҳгардида барои таҳким ва такмили донишҳои касбию сиёсӣ, баланд бардоштани масъулияти хизмати худ баҳравар гардида, ки барои боло бурдани сатҳи маърифат ва малакаҳои кормандон мусоидат менамояд.
