Дар асоси нақшаи кории мақомоти иҷроияи ҳокимияти давлатии ноҳияи Ванҷ, дар мавзеи деҳаи Бовид, дар 12 гектар дар ҳудуди заминҳои хоҷагии ҷангал боғи нави мевадиҳанда бунёд карда шуд. Дар 12 гектар замин беш аз панҷ ҳазор ниҳолҳои зардолу ва себ шинонида шуданд.
Бо ҳузури раиси ноҳия муҳтарам Давлатзода Наҷмиддин ва ҳамроҳии кормандони идораҳо, ин боғ на танҳо як иқдоми кишоварзӣ, балки рамзи ҳамбастагӣ ва меҳнати дастаҷамъона гардид. Дастурҳои роҳбарият барои истифодаи усулҳои муосири боғдорӣ ба ин ниҳолҳо нерӯ мебахшад. Ҳар як ниҳол гӯё ваъдаи меваи ширин ва зиндагии нав аст.
🌳 Ин боғ — сарчашмаи меваи ширин ва паёми сабз ба наслҳои оянда аст.
Дар ин бора хабар дод: Мақомоти иҷроияи ҳокимияти давлатии ноҳияи Ванҷ | Facebook
