«ШОҲНОМА» – ШОҲКОРИ БЕЗАВОЛИ БАШАРИЯТ АСТ, КИ ОНРО АБУЛҚОСИМ МАНСУР ИБНИ ҲАСАН МАЪРУФ БА ФИРДАВСИИ ТӮСӢ ТАҚРИБАН СОЛҲОИ 977 ДАР ЗАМОНИ СУЛОЛАИ СОМОНИЁН ОҒОЗ НАМУД ВА СОЛИ 1010 ДАР АҲДИ ҒАЗНАВИЁН БА ИТМОМ РАСОНИД, КИ ИН АСАРИ БЕЗАВОЛ МАҲСУЛИ ЗИЁДА АЗ 30 СОЛИ ЗАҲМАТИ ФИРДАВСӢ МЕБОШАД.
«ШОҲНОМА» – ШОҲКОРИ БЕЗАВОЛИ БАШАРИЯТ АСТ, КИ
ОНРО АБУЛҚОСИМ МАНСУР ИБНИ ҲАСАН МАЪРУФ БА ФИРДАВСИИ ТӮСӢ ТАҚРИБАН СОЛҲОИ 977 ДАР ЗАМОНИ СУЛОЛАИ СОМОНИЁН ОҒОЗ НАМУД ВА СОЛИ 1010 ДАР АҲДИ ҒАЗНАВИЁН БА ИТМОМ РАСОНИД, КИ ИН АСАРИ БЕЗАВОЛ МАҲСУЛИ ЗИЁДА АЗ 30 СОЛИ ЗАҲМАТИ ФИРДАВСӢ МЕБОШАД.
ФИРДАВСӢ «ШОҲНОМА»-РО ДАР ЗАМОНЕ ОФАРИД, КИ НИЁЗИ ШАДИД БА НИГАҲДОРИИ ДАВЛАТИ МИЛЛӢ ВА ЗАБОНИ МОДАРӢ ЭҲСОС МЕШУД. Ӯ ТАЪРИХИ ПУР АЗ ШОДИЮ ИФТИХОР, КОМЁБИЮ НОКОМӢ ВА ДАРДУ ОРМОНҲОИ ХАЛҚАШРО БО «ХУНИ ДИЛ» ҚАЛАМӢ КАРД. ШОИР БО «ПАЙВАСТАНИ НОМАИ БОСТОН» ТАЪРИХ, ФАРҲАНГ, ФАЛСАФА, ҲИКМАТ ВА АСОТИРИ ОРИЁИҲОРО ЗИНДА ГАРДОНИДА, БА ХИЗМАТИ НАСЛҲОИ ОЯНДА ГУЗОШТ.
МАЪХАЗҲОЕ, КИ ФИРДАВСӢ ИСТИФОДА БУРДААСТ, АЗ ҚАБИЛИ «АВАСТО», «ЁДГОРИ ЗАРИРОН», «КОРНОМАИ АРДАШЕРИ БОБАКОН» ВА «ШОҲНОМАИ АБУМАНСУРӢ», ГУВОҲӢ МЕДИҲАНД, КИ Ӯ НА ТАНҲО ЯК ШОИР, БАЛКИ ЯК МУҲАҚҚИҚИ ДАҚИҚНАЗАР БУД. Ӯ ИН ГАНҶИНАИ ПАРОКАНДАРО ҶАМЪ ОВАРДА, АЗ ОН «КОХЕ БАЛАНД» БИНО КАРД, КИ БА ҚАВЛИ ХУДАШ «АЗ БОДУ БОРОН НАЁБАД ГАЗАНД».
«ШОҲНОМА» АЗ СЕ БАХШИ АСОСӢ: АСОТИРӢ, РИВОЯТӢ ВА ТАЪРИХӢ ИБОРАТ АСТ. АММО МУҲИМТАР АЗ ҲАМА ИН АСТ, КИ АФКОРУ ПИНДОР ВА ГУФТОРУ РАФТОРИ ҚАҲРАМОНОНИ ОН ЧУНОН ТАҶАССУМ ЁФТААНД, КИ ҲЕҶ ГУНА ТАҲАВВУЛОТИ ТАЪРИХӢ ВА НИЗОМИ ИҶТИМОӢ НАМЕТАВОНАД АРЗИШҲОИ ИН ШОҲАСАРРО КОҲИШ ДИҲАД. ЧУНОНЕ, КИ АБДУРАҲМОНИ ҶОМИ ГУФТААСТ:
ЗИ «ШАҲНОМА» ГӮ, КИ ПУРОВОЗА АСТ,
ҶАҲОНРО КУҲАН КАРДУ ХУД ТОЗА АСТ.
АБДУРАҲМОНИ ҶОМӢ
ДАР «ШОҲНОМА» РӮЗГОР ВА КОРУ ПАЙКОРИ БЕШ АЗ 48 ПОДШОҲ ВА БЕҲТАРИН ТАСВИРҲОИ ТАЪРИХИ САРЗАМИНИ МО ҶОЙ ДОДА ШУДААНД. СИЛСИЛАИ СИМОҲОИ ДУРАХШОНЕ ЧУН ҶАМШЕД, ФАРИДУН, КАЙХУСРАВ, НӮШИНРАВОН ВА ПАҲЛАВОНОНИ ҶОНФИДОЕ МИСЛИ КОВА, РУСТАМ, ИСФАНДЁР ВА СИЁВУШ НАМУНАИ ОЛИИ ХИРАДВАРЗӢ, МЕҲРУ ИМОН ВА ВАТАНПАРАСТӢ МЕБОШАНД. ИНЧУНИН ЗАНОНИ ҚАҲРАМОНЕ ЧУН ТАХМИНА, ГУРДОФАРИД ВА МАНИЖА ҶОЙГОҲИ БАЛАНДИ ЗАНРО ДАР ТАМАДДУНИ МО НИШОН МЕДИҲАНД.
ДАР МЕҲВАРИ ИН АСАР СЕ ИДЕЯИ МАРКАЗӢ ҚАРОР ДОРАД:
МАВЗУИ АСОСИИ «ШОҲНОМА» СИТОИШИ ДОНИШУ ХИРАД АСТ. ФИРДАВСӢ БА МО МЕОМӮЗАД, КИ ПИРӮЗИИ НЕКӢ БАР БАДӢ ВА АДОЛАТ БАР ЗУЛМ НОГУЗИР АСТ. ИН ДАРСИ АХЛОҚӢ БАЪД АЗ ҲАЗОР СОЛ, ДАР ДАВРОНИ ИСТИҚЛОЛИ ДАВЛАТИИ МО НИЗ АҲАММИЯТИ КАЛОН ДОРАД.
ЯКЕ АЗ ХИЗМАТҲОИ БУЗУРГТАРИНИ ФИРДАВСӢ ИН ҲИФЗИ ЗАБОНИ МОДАРИИ МОСТ. ЭЪҶОЗИ Ӯ ДАР ОН АСТ, КИ БО ЗАБОНИ СОФУ СОДА ВА РАВОНИ ТОҶИКӢ ТАЪРИХИ ЧАНДИНҲАЗОРСОЛАРО ТАСВИР КАРД. БО ШАРОФАТИ «ШОҲНОМА» ЗАБОНИ МО АЗ ГАЗАНДИ РӮЗГОР ЭМИН МОНД. ИМРӮЗ МО ИФТИХОР ДОРЕМ, КИ БА ҲАМОН ЗАБОНЕ ГУФТУГӮ МЕКУНЕМ, КИ ҲАКИМ ФИРДАВСӢ ҲАЗОР СОЛ ПЕШ БО ОН «ҶАҲОНРО ЧУН БИҲИШТ» КАРДА БУД.
«ШОҲНОМА» НА ТАНҲО КИТОБИ ҶАНГҲО, БАЛКИ ДОНИШНОМАИ ҶАШНҲОИ МИЛЛИИ МОСТ. МО ДАР БОРАИ НАВРӮЗ, МЕҲРГОН ВА САДА АЗ ҲАМИН КИТОБ МАЪЛУМОТИ МУСТАНАД ПАЙДО МЕКУНЕМ. ОН УҚЁНУСИ ПАНДУ ҲИКМАТ АСТ, КИ ДАР ТАРБИЯИ АХЛОҚИИ НАСЛҲО НАҚШИ КАЛИДӢ ДОРАД.
ДАР РАВАНДИ ҶАҲОНИШАВӢ, КИ ХАТАРИ АЗ БАЙН РАФТАНИ ФАРҲАНГҲОИ БУМӢ ВУҶУД ДОРАД, МО БА АФКОРИ ҲУВИЯТСОЗИ ФИРДАВСӢ БЕШ АЗ ПЕШ НИЁЗМАНД ҲАСТЕМ. ТАСМИМИ РОҲБАРИЯТИ ДАВЛАТ ДАР БОРАИ БА НАШР РАСОНИДАНИ «ШОҲНОМА» ВА ТАҚДИМ НАМУДАНИ ОН БА ҲАР ЯК ХОНАДОНИ КИШВАР ИҚДОМЕСТ, КИ РӮҲИ ВАТАНХОҲИРО ДАР ҚАЛБИ ҲАР ЯК СОКИНИ ТОҶИКИСТОН БЕДОР МЕКУНАД. ИН ТАШАББУС МИСЛИ НАШРИ КИТОБИ «ТОҶИКОН»-И БОБОҶОН ҒАФУРОВ ЯК ҚАДАМИ УСТУВОР ДАР РОҲИ ХУДШИНОСИИ МИЛЛӢ МЕБОШАД.
БИГЗОР, ЧАРОҒИ «ШОҲНОМА» ДАР ТОҚДОНИ ҲАР ХОНАДОНИ МАРДУМИ ТОҶИКИСТОН ФУРӮЗОН БОШАД ВА РӮҲИ ИСТИҚЛОЛТАЛАБИИ ФИРДАВСӢ МОРО ДАР БУНЁДКОРИҲОИ НАВИН МАДАД НАМОЯД.
ДАР ФАРҶОМ СУХАНИ ХУДИ ҲАКИМРО БА ЁД МЕОРЕМ, КИ ВОҚЕАН ҲАҚИҚАТИ ҲОЛ АСТ:
НАМИРАМ АЗ ИН ПАС, КИ МАН ЗИНДААМ,
КИ ТУХМИ СУХАНРО ПАРОКАНДААМ.
ШОҲНОМА ЗИНДА АСТ, МИЛЛАТИ ТОҶИК ЗИНДА АСТ, ФАРҲАНГИ ТОҶИК ЗИНДА АСТ ВА ЗАБОНИ МОДАРИИ МО ҶОВИДОНИСТ!
