Агентии хоҷагии ҷангали назди Ҳукумати Ҷумҳурии Тоҷикистон мардуми кишвар ва кулли тоҷикони ҷаҳонро бо Рӯзи тақдирсози миллати тоҷик - Рӯзи Президенти Ҷумҳурии Тоҷикистон муборакбод гуфта, ба ҳар як фарди кишвар саломатӣ, некрӯзӣ ва пешрафти устувор…
Агентии хоҷагии ҷангали назди Ҳукумати Ҷумҳурии Тоҷикистон мардуми кишвар ва кулли тоҷикони ҷаҳонро бо Рӯзи тақдирсози миллати тоҷик - Рӯзи Президенти Ҷумҳурии Тоҷикистон муборакбод гуфта, ба ҳар як фарди кишвар саломатӣ, некрӯзӣ ва пешрафти устувор таманно дорад.
Ин рӯз барои миллати мо аз ҷиҳати таърихӣ ва сиёсӣ дорои аҳамияти махсус мебошад, зеро саҳми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳкими пояҳои давлатдорӣ, таҳияи сиёсати устувор ва ҳифзи манфиатҳои миллӣ бениҳоят бузург аст. Бо роҳбарии дурандешонаи Сарвари давлат Тоҷикистон тавонист давраҳои душворро паси сар намояд, субот ва ваҳдати ҷомеаро барқарор созад ва имрӯз ба марҳилаи нави рушду пешрафт ворид гардад.
Муҳтарам Эмомалӣ Раҳмон ҳамчун асосгузори сулҳу оромӣ ва ваҳдати миллӣ нақши калидӣ дар болоравии обрӯи байналмилалии кишвар, рушди иқтисодӣ, такмили қонунгузорӣ ва таҳкими сохторҳои давлатӣ доранд. Сиёсати давлатӣ, ки ба манфиати мардум равона шудааст, имкон дод, ки Тоҷикистон дар арсаи ҷаҳонӣ мавқеи устувор пайдо намояд ва дар роҳи рушд қадамҳои устувор гузорад.
Агентии хоҷагии ҷангал саҳми Пешвои миллатро дар таҳкими заминаҳои давлатӣ ва пешбурди сиёсати миллии экологӣ баланд арзёбӣ намуда, ибрози он менамояд, ки сиёсати хирадмандонаи роҳбарияти кишвар барои рушди соҳаи хоҷагии ҷангал ва истифодаи дурусти манбаъҳои табиӣ шароити мусоид фароҳам овардааст.
Ба ифтихори ин санаи пурифтихор тамоми шаҳрвандони кишварро ба ваҳдат, муттаҳидӣ ва ҷонибдорӣ аз сиёсати пешгирифтаи Сарвари давлат даъват намуда, умедворем, ки таҳти роҳбарии Пешвои миллат Тоҷикистони азиз ба дастовардҳои боз ҳам назаррас ноил мегардад.
