Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии ноҳияи Қубодиён вобаста ба масъалаҳои муҳими ҷомеа бо сокинони Ҷамоти деҳоти Вобканди деҳаи Парчами ковиёни ноҳия вохӯрӣ баргузор…
Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии ноҳияи Қубодиён вобаста ба масъалаҳои муҳими ҷомеа бо сокинони Ҷамоти деҳоти Вобканди деҳаи Парчами ковиёни ноҳия вохӯрӣ баргузор намуд.
Зимни вохӯрӣ Раиси Кумитаи кор бо занон ва оилаи назди Ҳукумати Ҷумҳурии Тоҷикистон Файзиддинзода Бунафша доир ба пешгирии хурофот ва фарҳанги бегона дар байни занону ҷавонон, шомилшавии онҳо ба ҳизбу ҳаракатҳои иртиҷоӣ ва дар ин замина риояи қонунҳои Ҷумҳурии Тоҷикистон «Дар бораи кафолатҳои давлатии баробарҳуқуқии мардону занон дар Ҷумҳурии Тоҷикистон», «Дар бораи масъулият барои таълиму тарбияи кӯдак», «Дар бораи танзими ҷашну маросим дар Ҷумҳурии Тоҷикистон» суҳбат намуд.
Раиси Кумитаи кор бо занон ва оилаи назди Ҳукумати Ҷумҳурии Тоҷикистон Файзиддинзода Бунафша иброз дошт, ки дар амалӣ намудани танзими расму ойин, ҳифзи арзишҳои фарҳанги миллӣ, либоси миллӣ, дар ниҳоди фарзандон тарбия намудани ҳисси ватандӯстӣ, ифтихори миллӣ, инсондӯстиву масъулиятшиносӣ, талқин намудани урфу одатҳо дар зеҳну шуури наслҳо ягон қуввае дигар бештар аз занону духтарон саҳм гирифта наметавонад.
Аз иштирокчиён даъват карда шуд, ки дар таблиғ ва муосиргардонии либоси миллӣ, ки он яке аз воситаҳои асосии шинохти миллат дар ҷаҳон аст, саҳмгузор бошанд.
Ҳамчунин Раиси Кумитаи иброз дошт, ки занону духтарони мо, ки болоравии сатҳи зиндагӣ ва маънавиёти оила аз онҳо вобастагии зиёд дорад, бояд аз ин имкониятҳо истифода бурда, ҳунар омӯзанд ва ба фарзандон низ дар омӯзиши касбу ҳунар кумак расонанд. Тавре аз мушоҳидаҳо бармеояд, имрӯзҳо занони ҳунарманд дар хона истода, ба ҳунарҳои мардумӣ машғул гашта, аз ин ҳисоб даромади хуб ба даст меоранд.
Дар вохӯрӣ аз масъулини соҳаҳои гуногуни ноҳия даъват ба амал оварда шуд, ки корҳои фаҳмондадиҳиро бо усули «Деҳа ба деҳа», «Маҳал ба маҳал», «Хона ба хона» ҷоннок намоянд.
