Роҳбарият ва ҳайати кории Театри миллии Тоҷикистон бо камоли эҳтирому самимияти бепоён имрӯз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бо ҷашни мавлудашон муборакбод мегӯянд. Тоҷикистони…
Роҳбарият ва ҳайати кории Театри миллии Тоҷикистон бо камоли эҳтирому самимияти бепоён имрӯз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бо ҷашни мавлудашон муборакбод мегӯянд.
Тоҷикистони азизи мо бо шарофати сулҳу субот ва сиёсати созандаи Шумо – Ҷаноби олӣ, муҳтарам Эмомалӣ Раҳмон ба кишвари созандаву бунёдкор ва пешрафта табдил ёфтааст.
Симои пойтахти кишвар ва ҳамзамон шаҳру ноҳияҳои Ватанамон то ба дурдасттарин ноҳияҳо рӯз аз рӯз зеботар шуда, иншооти муҳимми иҷтимоиву иқтисодӣ, пулҳову роҳҳо, муассисаҳои таълимиву тандурустӣ, корхонаҳои истеҳсолӣ ва маҷмааҳои муосири меъморӣ қомат афрохта, ба дилҳо фараҳ мебахшанд. Ҳамаи ин пешрафту ободонӣ аз сиёсати бунёдкоронаи Шумо – Президенти маҳбуби халқу миллати тоҷик дарак медиҳад.
Номи Шумо, хизматҳои арзишманд ва талошҳои пайвастаи Шумо, муҳтарам Эмомалӣ Раҳмон, дар саҳифаҳои дилу дидаи халқи боору номус ва таърихи Тоҷикистони соҳибихтиёру соҳибистиқлол бо хатти заррин ифшо гаштаанд.
Асосгузори сулҳу ваҳдати миллӣ бо иродаи қавӣ, матонати сиёсӣ, хирад ва ҷасорати бемисл Тоҷикистонро аз вартаи буҳрони сангин ба роҳи сулҳу субот ва ваҳдати миллӣ раҳнамун сохта, дар роҳи таҳкими давлатдории миллӣ, ҳифзи истиқлолияти давлатӣ ва баланд бардоштани нуфузу мартабаи Тоҷикистони соҳибистиқлол дар арсаи байналмилалӣ шоистаи эҳтироми зиёд гаштаанд.
Мо кормандони Театри миллӣ ҷиҳати бунёд ва ифтитоҳи бинои муҳташам ва камназири замони соҳибистиқлолӣ аз Президенти Ҷумҳурии Тоҷикистон муҳтарам Эмомалӣ Раҳмон сипосгузорем. Ифтихор аз он дорем, ки Тоҷикистони ҷавону шукуфон дар роҳи расидан ба дастовардҳои боз ҳам бузургтар пайваставу вораста гомҳои устувор гузошта, дар арсаи байналмилалӣ соҳиби мавқеи шоиста мегардад.
Дар ин рӯзи барои халқи тоҷик фархунда мо ба Шумо – Президенти маҳбуби худ саломатии комил ва умри дарози пурбаракат, иқболи накуву неруи тоза ва хотири ҷамъу саодати ҳамешагӣ таманно дорем. Бигзор дар роҳи хизмат ба халқу Ватани азизамон музаффариятҳои тоза ба тоза ҳамқадаматон гарданд.
