Санаи 27 апрели соли равон дар толори Кумита дар доираи таҷлили Моҳвораи ҷавонон мулоқоти Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Гулаҳмадзода Зулфиқор Аҳмад бо иштирокчиёни Фестивали ҷумҳуриявии «Дӯстии ҷавонон»,…
Санаи 27 апрели соли равон дар толори Кумита дар доираи таҷлили Моҳвораи ҷавонон мулоқоти Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Гулаҳмадзода Зулфиқор Аҳмад бо иштирокчиёни Фестивали ҷумҳуриявии «Дӯстии ҷавонон», ки дар шаҳру ноҳияҳои вилояти Хатлон баргузор мешавад, доир гардид.
Зимни мулоқот Раиси Кумита оид ба нақши ҷавонон дар рушди ҷомеа, таҳкими ваҳдати миллӣ ва густариши дӯстиву ҳамдигарфаҳмӣ миёни насли ҷавон андешаронӣ намуда, таъкид кард, ки баргузории чунин чорабиниҳо барои таҳкими робитаҳои фарҳангӣ ва иҷтимоии ҷавонон заминаи мусоид фароҳам меорад.
Ҳамзамон, иштирокчиёни фестивал вобаста ба дастгирии сиёсати давлатии ҷавонон, фароҳамсозии шароити мусоид барои таҳсилу фаъолият ва ҷалби ҷавонон ба корҳои созандагиву ободонӣ ибрози назар намуданд.
Дар фарҷом зикр гардид, ки Фестивали «Дӯстии ҷавонон» ҳамчун минбари муҳими муколама ва табодули таҷриба миёни ҷавонони минтақаҳо саҳми арзанда гузошта, барои таҳкими рӯҳияи ватандӯстӣ ва ҳамгироии ҷавонон мусоидат менамояд.
