Дар Муассисаи давлатии «Мактаби махсуси варзишии захираҳои олимпии №8 оид ба батут ва акробатикаи варзишӣ»-и шаҳри Душанбе нахустин Мусобиқаи байналмилалӣ оид ба акробатикаи варзишӣ, бахшида ба хотираи Мураббии шоистаи Ҷумҳурии Тоҷикистон М. Н.…
Дар Муассисаи давлатии «Мактаби махсуси варзишии захираҳои олимпии №8 оид ба батут ва акробатикаи варзишӣ»-и шаҳри Душанбе нахустин Мусобиқаи байналмилалӣ оид ба акробатикаи варзишӣ, бахшида ба хотираи Мураббии шоистаи Ҷумҳурии Тоҷикистон М. Н. Шапоров ва дар доираи таҷлили 35-умин солгарди Истиқлоли давлатии Ҷумҳурии Тоҷикистон бо тантана баргузор гардид.
Маросими ифтитоҳи мусобиқа бо садо додани Суруди миллии Ҷумҳурии Тоҷикистон оғоз гардида, ҳамзамон барномаи фарҳангӣ бо иштироки ҳунармандони ҷавон пешкаши ҳозирин гардонида шуд.
Дар чорабинӣ раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Гулаҳмадзода Зулфиқор Аҳмад, муовини раиси шаҳри Душанбе Саломзода Раҳмиддин, роҳбарияти Раёсати кор бо ҷавонон ва варзиши шаҳри Душанбе, кормандони муассисаҳои варзишӣ, мураббиён, варзишгарон, ҷавонон ва дигар меҳмонон иштирок намуданд.
Дар мусобиқа варзишгарон аз Ҷумҳурии Тоҷикистон, Ҷумҳурии Ӯзбекистон, Ҷумҳурии Озарбойҷон ва Туркманистон ширкат варзида, миёни ҳам барои дарёфти ҷойҳои ифтихорӣ рақобат намуданд.
Зимни суханронӣ таъкид гардид, ки баргузории чунин мусобиқаҳои байналмилалӣ барои рушди акробатикаи варзишӣ, таҳкими дӯстиву ҳамкориҳои байналмилалӣ, мубодилаи таҷриба ва муаррифии имкониятҳои варзишии Ҷумҳурии Тоҷикистон дар арсаи байналмилалӣ аҳаммияти муҳим дорад.
Дар фарҷоми мусобиқа ба ғолибону ҷоизадорон медалҳо, дипломҳо ва сипосномаҳои хотиравӣ тақдим гардида, онҳо барои дастовардҳои назаррас ва иштироки фаъолона бо тантана қадрдонӣ карда шуданд. Ҳамзамон, ба мураббиён ва иштирокчиёни мусобиқа барои саҳми арзандаашон дар рушди акробатикаи варзишӣ ва таҳкими ҳамкориҳои байналмилалӣ изҳори сипос баён гардид.
