Санаи 11 ва 12 декабри соли 2025 барои кормандони дастгоҳи маркази ва КВД “Маркази ҳифзи техникии иттилоот, сертификатсия ва экспертиза”-и Саридораи ҳифзи сирри давлатӣ семинар - машварати омӯзишӣ дар мавзуи “Тартиби таҳияи санадҳои санҷишии соҳавӣ: камбудиҳои мавҷуда ва роҳҳои бартарафнамоии онҳо” баргузор гардид. Чорабинии зикршуда дар доираи “Барномаи давлатии таҳкими ҳифзи сирри давлатӣ ва ҳифзи техникии иттилоот дар Ҷумҳурии Тоҷикистон барои солҳои 2022-2026” роҳандозӣ гардида, ба иштирокчиёни машварат тибқи барномаи таълимӣ оид ба масъалаҳои мубрами рӯз аз ҷониби роҳбарият ва роҳбарони воҳидҳои сохторӣ маърӯзаҳо карда шуд.
Ҳадаф аз баргузории чорабинии болозикр, мавриди таҳлилу омӯзиш қарор додани низоми миллии ҳифзи сирри давлатӣ ва ҳифзи техникии иттилоот, сари вақт муайян намудани камбудию нуқсонҳо ва пешниҳоди таклифҳои мушаххас доир ба бартараф намудани онҳо мебошад.
Чорабинии мазкур ба тарзи мубоҳиса ва кори амалӣ баргузор гардида, иштирокчиён дар фарҷом мубодилаи афкор ва таасуроти нек намуданд.
