Ҷиҳати иҷрои Нақшаи кории Саридораи ҳифзи сирри давлатӣ ва татбиқи нақшаи чорабиниҳои “Стратегияи пешгирии экстремизм ва терроризм дар Ҷумҳурии Тоҷикистон барои давраи то соли 2040” санаи 23 сентябри соли 2026 бо иштироки прокурори калони Маркази ягонаи иттилоотӣ оид ба пешгирии экстремизм, терроризм ва киберҷиноятҳои Прокуратураи генералӣ Дармонзода Парвиз Ашур дар мавзӯи “Баланд бардоштани фарҳанги сиёсӣ-ҳуқуқӣ ва донишҳои аҳолӣ, аз худ кардани малакаи рафтори қонунӣ ва огоҳмандии шаҳрвандон аз оқибатҳои рафтори шаҳрвандон” мизи мудаввар баргузор гардид.
Чорабинии мазкурро муовини якуми сардори Саридора муҳтарам Шарифзода Фируз Бобоназар оғоз карда, қайд намуданд, ки баланд бардоштани фарҳанги сиёсӣ-ҳуқуқӣ ва донишҳои ҳуқуқии аҳолӣ яке аз омилҳои муҳими ташаккули ҷомеаи ҳуқуқбунёд ба ҳисоб рафта, ҳар як шаҳрванд бояд ҳуқуқу озодиҳои худро донад ва дар баробари ин, уҳдадориҳои худро дар назди ҷомеа ва давлат дуруст дарк намояд.
Намояндаи Прократураи генералии Ҷумҳурии Тоҷикистон зимни суханронӣ ба масъалаи аз худ намудани малакаҳои рафтори қонунӣ таваҷҷуҳи махсус зоҳир карда, қайд намуданд, ки пешгирии ҳуқуқвайронкунӣ пеш аз ҳама аз сатҳи огоҳии шаҳрвандон, муносибати масъулон ба талаботи қонунгузорӣ ва дарки оқибатҳои амалҳои ғайриқонунӣ вобастагӣ дорад.
Дар фарҷом мубодилаи афкори судманд баргузор гардида, барои иштирокчиён ҳамчун як заминаи муҳими баланд бардоштани маърифати сиёсиву ҳуқуқӣ ва таҳкими ҳисси масъулиятшиносӣ хизмат намуд.
