Бо ташаббуси Мақомоти иҷроияи ҳокимияти давлатии ноҳияи Фирдавсии шаҳри Душанбе ҷиҳати татбиқи корҳои ободонӣ, баланд бардоштани маърифати шаҳрдорӣ ва ҳифзи моликияти ҷамъиятӣ, бо сокинони шаҳраки 46 вохӯрӣ ва суҳбати судманд баргузор гардид. Зимни…
Бо ташаббуси Мақомоти иҷроияи ҳокимияти давлатии ноҳияи Фирдавсии шаҳри Душанбе ҷиҳати татбиқи корҳои ободонӣ, баланд бардоштани маърифати шаҳрдорӣ ва ҳифзи моликияти ҷамъиятӣ, бо сокинони шаҳраки 46 вохӯрӣ ва суҳбати судманд баргузор гардид.
Зимни вохӯрӣ ба сокинон директори Муассисаи давлатии "Нигоҳдории боғу гулгаштҳо ва майдончаҳои варзишии ноҳияи Фирдавсӣ" Оятулло Латипов зарурати нигоҳдории дурусти майдончаҳои варзишӣ, истифодаи оқилонаи таҷҳизоти варзишӣ, риояи қоидаҳои санитариву гигиенӣ, тозаву озода нигоҳ доштани атрофи биноҳои истиқоматӣ ва саҳмгузорӣ дар корҳои ободониву кабудизоркунӣ сухан гуфт.
Қайд гардид, ки майдончаҳои варзишӣ барои тарбияи ҷисмонии наврасону ҷавонон, тарғиби тарзи ҳаёти солим ва фароҳам овардани шароити мусоид барои истироҳати сокинон бунёд гардидаанд.
Аз ин рӯ, ҳифз ва нигоҳдории онҳо вазифаи ҳар як сокин буда, муносибати эҳтиёткорона нисбат ба иншооти ҷамъиятӣ бояд ба одати ҳамешагӣ табдил ёбад.
Дар анҷоми вохӯрӣ сокинон омодагии худро барои ҳамкории фаъол дар самти нигоҳдории тозагӣ, ҳифзи моликияти ҷамъиятӣ, ободу зебо нигоҳ доштани низ нисбат маҳаллаҳо ва майдончаҳои варзишӣ изҳор намуда, таъкид карданд, ки дар татбиқи чунин иқдомҳои созанда саҳми арзандаи худро мегузоранд.
