Дар шаҳри Левакант масъулини бахши Кумитаи ҳолатҳои фавқуллода ва мудофиаи гражданӣ ҷиҳати таъмини амнияти шаҳрвандон ва сайёҳон як қатор чорабиниҳои фаҳмондадиҳиро баргузор намуданд. Ин иқдом дар заминаи зиёд гардидани ҳодисаҳои ғарқшавӣ ва дигар…
Дар шаҳри Левакант масъулини бахши Кумитаи ҳолатҳои фавқуллода ва мудофиаи гражданӣ ҷиҳати таъмини амнияти шаҳрвандон ва сайёҳон як қатор чорабиниҳои фаҳмондадиҳиро баргузор намуданд. Ин иқдом дар заминаи зиёд гардидани ҳодисаҳои ғарқшавӣ ва дигар ҳолатҳои фавқуллода, махсусан дар мавсими гармии сол, роҳандозӣ гардид.
Бино ба иттилои манбаъ, вохӯриҳо асосан дар минтақаҳои хавфнок ва соҳилҳои дарёҳо доир шуда, дар онҳо сайёҳони дохиливу хориҷӣ низ иштирок карданд. Масъулин ба ҳозирин қоидаҳои бехатариро ҳангоми оббозӣ, истифодаи таҷҳизоти муҳофизатӣ ва худдорӣ аз шиноварӣ дар ҷойҳои мамнӯъ фаҳмониданд.
Ҳамзамон, ба иштирокчиён тарзи дурусти рафтор дар ҳолатҳои изтирорӣ, аз ҷумла ҳангоми сар задани сел, баланд шудани сатҳи об ва дигар хатарҳои табиӣ, шарҳ дода шуд. Масъулин таъкид намуданд, ки риояи одитарин қоидаҳои бехатарӣ метавонад ҷони инсонро наҷот диҳад.
Дар рафти мулоқотҳо ба сайёҳон варақаҳои иттилоотӣ низ тақсим карда шуданд, ки дар онҳо рақамҳои телефон барои муроҷиати фаврӣ ва тавсияҳои муҳими наҷотдиҳӣ дарҷ гардидаанд.
Мақомоти марбута изҳор доштанд, ки чунин корҳои фаҳмондадиҳӣ минбаъд низ идома ёфта, ҳадафи асосии онҳо коҳиш додани ҳолатҳои нохуш ва баланд бардоштани сатҳи маърифати бехатарии аҳолӣ мебошад.
