31 июли соли 2026 дар Агентии инноватсия ва технологияҳои рақамии назди Президенти Ҷумҳурии Тоҷикистон бахшида ба 35-солагии Истиқлоли давлатии Ҷумҳурии Тоҷикистон, озмуни ҷумҳуриявии «Таҳияи Платформаи рақамии тиҷоратикунонии натиҷаҳои фаъолияти…
31 июли соли 2026 дар Агентии инноватсия ва технологияҳои рақамии назди Президенти Ҷумҳурии Тоҷикистон бахшида ба 35-солагии Истиқлоли давлатии Ҷумҳурии Тоҷикистон, озмуни ҷумҳуриявии «Таҳияи Платформаи рақамии тиҷоратикунонии натиҷаҳои фаъолияти илмӣ ва илмию техникӣ» баргузор гардид.
Дар озмун 15 нафар довталаб аз муассисаҳои таҳсилоти миёнаи умумӣ, муассисаҳои таҳсилоти олӣ ва ширкатҳои технологӣ иштирок намуда, лоиҳаҳои худро оид ба ташкили платформаи рақамии тиҷоратикунонии натиҷаҳои фаъолияти илмӣ ва илмию техникӣ муаррифӣ намуданд.
Комиссияи озмун пешниҳодҳои иштирокчиёнро тибқи меъёрҳои муқарраршуда, аз ҷумла сатҳи навоварӣ, асоснокии техникӣ, имконияти татбиқи амалӣ ва дурнамои тиҷоратикунонии лоиҳаҳо мавриди арзёбӣ қарор дод.
Тибқи натиҷаҳои баҳодиҳӣ, ҷойи якум насиби Сафар Файзуллоҷон Гуреззода, номзади илмҳои техникӣ ва докторанти Донишгоҳи миллии Тоҷикистон гардид.
Ба ҳамаи иштирокчиёни озмун барои иштироки фаъолона ва саҳмгузорӣ дар рушди муҳити инноватсионӣ раҳматномаҳои Агентӣ тақдим карда шуданд.
Баргузории чунин озмунҳо ба рушди экосистемаи инноватсионии кишвар, ҳавасмандгардонии фаъолияти илмӣ ва илмию техникӣ, тиҷоратикунонии натиҷаҳои таҳқиқот, таҳкими робитаи илм бо истеҳсолот ва пешбурди иқтисоди рақамии Ҷумҳурии Тоҷикистон мусоидат менамояд.
