Рӯзи механизмҳои маблағгузорӣ ва барномаҳои дастгирии КХМ ва IT-стартапҳо, аз он ҷумла шарикии давлат ва бахши хусусӣ ва мулоқот дар доираи “Ҳафтаи инноватсия ва гузариши рақамӣ дар Тоҷикистон”

Дар доираи “Ҳафтаи инноватсияҳо ва гузариши рақамӣ дар Тоҷикистон” Агентии инноватсияҳо ва технологияҳои рақамии назди Президенти Ҷумҳурии Тоҷикистон бо ҳамкории Акселерейт Просперити ҳамоишеро, ки ба ҳалли инноватсионӣ дар соҳаи маблағгузорӣ ва…

Дар доираи “Ҳафтаи инноватсияҳо ва гузариши рақамӣ дар Тоҷикистон” Агентии инноватсияҳо ва технологияҳои рақамии назди Президенти Ҷумҳурии Тоҷикистон бо ҳамкории Акселерейт Просперити ҳамоишеро, ки ба ҳалли инноватсионӣ дар соҳаи маблағгузорӣ ва баланд бардоштани иқтидори КХМ ва стартапҳо, аз он ҷумла IT-стартапҳо бахшида шуда буд, баргузор намуд.

Чорабинӣ иштирокчиёни асосии экосистемаи соҳибкории кишварро, аз он ҷумла намояндагони бахши хусусӣ ва давлат, муассисаҳои молиявӣ, бизнес-инкубаторон, акселераторон ва созмонҳои байналмилалиро ҷамъ овард. Мақсади ҷамъомад мусоидат ба муоширати конструктивӣ ва тақвияти ҳамкории тарафҳо барои дастгирии соҳибкории инноватсионӣ ва рушди иқтисодии кишвар буд.

Ҳадафҳои асоси чорабинӣ:

• Баррасии механизмҳо ва барномаҳои мавҷуда: Аз назар гузаронидани механизмҳои маблағгузорӣ ва барномаҳои баланд бардоштани иқтидори соҳибкорон, ки аз ҷониби иштирокчиёни мухталифи экосистема пешниҳод мешаванд.
• Тақвият бахшидани ҳамкории давлат ва бахши хусусӣ: Барқарор кардани платформаи ҳамкорӣ байни давлат ва намояндагони манфиатдори бахши хусусӣ.

Нуктаҳои калидии барнома:

• Маҳсулоти мавҷуда: Иштирокчиён механизмҳои гуногуни маблағгузорӣ ва барномаҳои баланд бардоштани иқтидори КХМ ва стартапҳо, аз он ҷумла IT-стартапҳоро, ки дар бозори Тоҷикистон дастрасанд, омӯзиш намуданд.
• Тавсияҳо оиди қонунгузорӣ:

Иштирокчиён Қарори Ҳукуматии Ҷумҳурии Тоҷикистон «Дар бораи Нақшаи амал оиди рушди соҳибкории ҷавонон ва сармоягузории венчурӣ барои солҳои 2024–2026»-ро баррасӣ карда тавсияҳои худро пешниҳод намуданд.

• Тақвияти шарикӣ ва ҳамкорӣ: Иштирокчиён роли муҳим ва ҳамкории Агентиро бо бахши хусусӣ барои беҳтар кардани фаъолияти соҳибкории кишвар ва густариши тиҷорат таъкид карданд.

Мавзуъҳои баромадҳои иштирокчиён:

Намояндагони муассисаҳои молиявии калидӣ муҳимияти таъсиси платформаи рақамии ягона барои КХМ, стартапҳо ва дигар иштирокчиёни экосистемаи соҳибкориро таъкид карданд. Ин платформа бояд маълумоти муҳимро дар бораи механизмҳои маблағгузорӣ ва барномаҳои инноватсионӣ ҷамъ оварда, барои соҳибкорон дастрас кунад. Инчунин, аҳамияти ҷори кардани барномаҳои саводнокии молиявӣ ҳам дар шакли рӯ ба рӯ ва ҳам тавассути воситаҳо ва платформаҳои рақамӣ барои мактаббачагон ва донишҷӯён таъкид карда шуд.

Натиҷаҳои чорабинӣ:

Рӯзи механизмҳои маблағгузорӣ ва барномаҳое баланд бардоштани иқтидори КХМ ва IT-стартапҳо, як платформаи барои мубодилаи таҷрибаҳои беҳтарин ва татбиқи ҳалли инноватсионӣ гардид, ки мақсади он такмил додани экосистемаи соҳибкории Тоҷикистон ва баланд бардоштани рақобатпазирии он мебошад.Чорабинӣ имкониятҳои бузурги рушди устувори тиҷоратро водор кард ва аҳамияти иқдомҳои муштараки тарафҳоро барои пешрафти инноватсияҳо, тақвияти устувории иқтисодӣ ва рушди Тоҷикистон ҳамчун маркази соҳибкории инноватсионӣ ва пешрафти технологӣ, боз ҳам мустаҳкам намуд.