18-уми июни соли 2025 директори Агентии инноватсия ва технологияҳои рақамии назди Президенти Ҷумҳурии Тоҷикистон дар Форуми иқтисодии байналмилалии Санкт Петербург-2025 иштирок намуданд.
Мавзуъи меҳварии форуми мазкур — «Common Values – The Foundation of Growthin a Multipolar World» — «Арзишҳоимуштарак – таҳкурсии рушд дар ҷаҳонибисёрқутбӣ» арзёбӣ гардид. Инчунин, дар доираи форуми глобалиимазкур форумҳои ҷаласавии СҲШ, БРИКС +, G20, МСП, саноати эҷодӣ ва саноатидорусозӣ баргузор мегардад.
Дар чорабинӣ намояндагони беш аз 140 кишвар, аз ҷумла намояндагони воломақом, роҳбарон ва намояндагони давлатии кишварҳо, бахши хусусӣ иштирок намудаистодаанд. Ҳузури васеи намояндагони байналмилалӣ шаҳодати таваҷҷуҳи афзоянда атрофи мавзуъҳои баррасишаванда дар рушди муносибатҳои иқтисодӣ мебошад.
Дар доираи Форуми иқтисодии байналмилалии Санкт Петербург-2025 директори Агентии инноватсия ва технологияҳои рақамӣ дар форуми ҷаласавии кишварҳои «БРИКС+» дар мавзӯи «Зеҳни сунъӣ» иштирок ва суханронӣ намуданд.
Маврид ба зикри хос аст, ки баргузор гардидани чунин ҳамоиш рӯйдоди муҳимдар муҳокимаи ҷаҳонии зеҳни сунъӣ, эҷоди имкониятҳо барои рушди устувор ва муаррифии таҷрибаи Тоҷикистон дар самти зеҳни сунъӣ дар байни кишварҳои иштирокчӣ маҳсуб меёбад.
Аз ҷониби директори Агентии инноватсия ва технологияҳои рақамӣ қайд гардид, ки Ҷумҳурии Тоҷикистон пайваста ба ташкили экосистемаи устувор ҷиҳати рушди самтҳои инноватсия ва рақамикунонӣ таваҷҷуҳи махсус зоҳир менамояд. Дар ин замина, Фармони Президенти Ҷумҳурии Тоҷикистон, муҳтарам Эмомалӣ Раҳмон, оид ба эълон гардидани солҳои 2025–2030 ҳамчун «Солҳои рушди иқтисоди рақамӣ ва инноватсия», иродаи сиёсати кишварро барои рақамикунонии занҷиравии тамоми соҳаҳои ҳаёти ҷомеа инъикос мекунад.
Ҳамзамон, дастовардҳо ва кӯшишҳои Тоҷикистон дар пешбурди технологияҳои зеҳни сунъӣ муаррифӣ ва ба аҳамияти онҳо дар рушди соҳаҳои мухталиф таъкид гардид.
Иштирокчиён саҳми назарраси Тоҷикистонро дар низомҳои минтақавӣ ва ҷаҳонии зеҳни сунъӣ эътироф карданд.
