Президенти кишвар муҳтарам Эмомалӣ Раҳмон изҳор доштанд, ки ҷорӣ кардани “Ҳукумати электронӣ” тақозои замон аст ва Ҳукумати Ҷумҳурии Тоҷикистон бо назардошти талаботи ҷомеа, ба ин раванд таваҷҷуҳи рӯзафзун зоҳир менамояд.
Ба Сарони давлатҳо аз ҷониби директори Агентии инноватсия ва технологияҳои рақамии назди Президенти Ҷумҳурии Тоҷикистон ва вазири рушди рақамӣ, инноватсия ва саноати кайҳонии Ҷумҳурии Қазоқистон Жаслан Мадиев иттилоъ дода шуд, ки вобаста ба анҷоми омӯзиши мутахассисон ва тарҳрезии сомонаҳои интернетии сохторҳои давлатии Ҷумҳурии Тоҷикистон ҳамкориҳои дуҷониба роҳандозӣ гардидааст.
Дар давоми соли 2024 ба фаъолияти байниидоравӣ мутахассисони ду кишвар ҷиҳати таҳияи ҷузъҳои калидии Платформаи ягонаи сомонаҳои интернетӣ ва ҳамгироии байниидоравӣ «SmartBridge» заминаи техникӣ ва технологӣ фароҳам оварда шуд.
Ба самтҳои ояндадори ҳамкории Ҷумҳурии Тоҷикистон ва Ҷумҳурии Қазоқистон, аз ҷумла имкониятҳои истифодаи технологияҳои зеҳни сунъӣ таваҷҷуҳ зоҳир карда шуд.
Баъди анҷоми маросими муаррифии лоиҳа Сарони давлатҳо ба коршиносони соҳа барои расидан ба ҳадафҳои созанда ва татбиқи самараноки он комёбӣ хоҳон шуданд.
