Дар Мақомоти иҷроияи ҳокимияти давлатии ноҳияи Фирдавсии шаҳри Душанбе ҷаласаи корӣ таҳти роҳбарии раиси ноҳия Сафарзода Дилшод Ғанӣ баргузор гардид, ки дар он масъалаҳои муҳим, аз ҷумла даъвати тирамоҳии шаҳрвандон ба хизмати ҳарбӣ, омодагӣ ба…
Дар Мақомоти иҷроияи ҳокимияти давлатии ноҳияи Фирдавсии шаҳри Душанбе ҷаласаи корӣ таҳти роҳбарии раиси ноҳия Сафарзода Дилшод Ғанӣ баргузор гардид, ки дар он масъалаҳои муҳим, аз ҷумла даъвати тирамоҳии шаҳрвандон ба хизмати ҳарбӣ, омодагӣ ба мавсими тирамоҳу зимистонгузаронӣ ва тадбирҳои омодагӣ ба таҷлили бошукӯҳи 35-солагии Истиқлолияти давлатии Ҷумҳурии Тоҷикистон мавриди баррасии ҳамаҷониба қарор гирифт.
Зимни ҷаласа масъулини сохторҳои дахлдор оид ба рафти иҷрои нақшаи даъвати тирамоҳӣ, захира намудани маводи сӯзишворӣ, омодасозии муассисаҳои иҷтимоӣ, таъмини фаъолияти мунтазами хизматрасониҳо дар фасли сармо ва корҳои ободониву созандагӣ ҳисобот пешниҳод намуданд.
Раиси ноҳия ба роҳбарони ташкилоту муассисаҳо ҷиҳати иҷрои босифати нақшаи даъвати тирамоҳӣ, таъмини омодагии ҳамаҷониба ба мавсими зимистон, вусъат бахшидани корҳои ободонӣ, кабудизоркунӣ ва омодагии сазовор ба таҷлили 35-солагии Истиқлолияти давлатии Ҷумҳурии Тоҷикистон дастуру супоришҳои мушаххас дод.
Таъкид гардид, ки иҷрои саривақтии вазифаҳои гузошташуда ва ҳамоҳангии фаъолияти тамоми сохторҳо барои таъмини рушди ноҳия ва дар сатҳи баланд таҷлил намудани ҷашни муқаддаси миллӣ аҳаммияти хос дорад.
