«ДАСТОВАРДҲОИ ОЛИМОНИ ҶАВОН ДАР РУШДИ ИЛМИ КИШОВАРЗӢ»

Дар сиёсати давлатӣ масъалаи баланд бардоштани сифати таҳсилот ва омода намудани кадрҳои баландихтисос мавқеи хоса дорад.

Омода намудани мутахассисони соҳаи кишоварзӣ ва кадрҳои баландихтисоси илмӣ яке аз вазифаҳои асосии муассисаҳои илмии Академияи илмҳои кишоварзии Тоҷикистон маҳсуб меёбад. Ин рисолати пурмасъулият моро водор месозад, ки ба масъалаи таълиму тарбияи ҷавонон бо масъулияти баланд, талаботи ҷиддӣ ва муносибати касбӣ назар намоем, то барои ояндаи давлат мутахассисони варзида ва арзанда омода гарданд.

Ҷалби ҷавонон ба корҳои илмию тадқиқотӣ зери таваҷҷуҳи доимии Раёсати Академия қарор дошта, дар солҳои 2021-2025 ба зинаи магистратура 178 нафар, докторант PhD 99 нафар, аспирантура 25 нафар ва унвонҷӯён 45 нафар аз ҳисоби мутахассисони ҷавон қабул гардида, барои гузаронидани таҳқиқот доир ба рисолаҳои илмӣ ҷалб карда шуданд.

Бо мақсади таҳкими нерӯи кадрии илмии Академия аз ҷониби кормандон давоми ин солҳо дар муассисаҳои илмии АИКТ 16 рисолаи докторӣ, 62 рисолаи номзадӣ, 143 рисолаи магистрӣ дифоъ гардид, аз ҷумла 7 рисолаи докторӣ ва 4 рисолаи номзадӣ дар шуроҳои диссертатсионии Федератсияи Россия ва Ҷумҳурии Ӯзбекистон ҳимоя карда шуданд.

Айни замон дар самти омода намудани кадрҳои илмӣ шуроҳои диссертатсионӣ дар назди институтҳои тибби ветеринарӣ, чорводорӣ ва чарогоҳи Академияи илмҳои кишоварзии Тоҷикистон, фаъолият доранд. Ин имконият фароҳам меорад, ки ҷавонон дар дохили кишвар рисолаҳои илмии худро ҳимоя намуда, фаъолияти илмии худро рушд диҳанд.

Қайд намудан ба маврид аст, ки мулоқоти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо аҳли илм ва маорифи кишвар, ки 30 майи соли 2024 баргузор гардид, барои рушди илми кишоварзӣ такони ҷиддӣ бахшид. Ҳадафи асосии ин вохӯрӣ баррасии вазъи кунунии илм, дурнамои рушди он, баланд бардоштани сатҳи омӯзиши илмҳои табиатшиносӣ ва риёзӣ, ташаккули тафаккури техникӣ, дастгирии ихтироъкорӣ ва беҳтар намудани сифати тайёр кардани кадрҳои илмӣ буд.

Президенти мамлакат таъкид карданд, ки Ҳукумати Тоҷикистон илмро яке аз омилҳои калидии рушди кишвар ва олимонро неруи асосии зеҳнии ҷомеа мешуморад. Аз ин рӯ, барои рушди ҳамаҷонибаи соҳа ва беҳтар намудани шароити иҷтимоии кормандони илмӣ тадбирҳои зарурӣ амалӣ карда мешаванд.

Боварии комил дорам, ки олимону мутахассисони ҷавони соҳа дар заминаи арзишҳои илмӣ саҳми арзандаи худро дар рушди илм, инноватсия ва технологияи кишоварзӣ мегузоранд.

Абдурозиқзода Лутфулло Давлат аз номи Вазири кишоварзии Ҷумҳурии Тоҷикистон Ҳакимзода Қурбон олимону мутахассисони ҷавони соҳаро бо Рӯзи ҷавонон табрик гуфта, ба онҳо бурдборию комёбиҳо таманно карданд.

Сипас, бо суханони табрикотӣ намояндаи Вазорати маориф ва илми Ҷумҳурии Тоҷикистон Муминзода Некруз Абдуманон, намояндаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон Розиқзода Диловар ва намояндаи ДАТ ба номи Ш.Шоҳтемур Мирзоализода Тоҳир баромад намуда, ба ҷавонон дар ҷодаи корҳои илмиашон комёбию мувафақкиятҳо намуданд.

Дар рафти конференсия докторанти (PhD) курси якуми Институти зироаткорӣ Давлатов Дилшод дар мавзуи «Коркарди байни қаторҳои зироатҳои каландшаванда (картошка) тавассути мошинолотҳои муосири кишоварзӣ», магистри соли дуюми таҳсили Институти хокшиносӣ ва агрохимия Насриддинова Гулбаҳор дар мазуи «Истифодаи нуриҳои микробиологӣ дар агроэкосистемаҳои Тоҷикистон», магистри соли якуми таҳсили Институти иқтисодиёт ва таҳқиқи системавии рушди кишоварзии АИКТ Муборакшои Рустам дар мавзуи «Нақши иқтисоди сабз дар рушди КАС» мудири шуъбаи технологияи инноватсионии ниҳолпарварӣ Институти боғу токпарварӣ ва сабзавоткорӣ Фозилзода Ҷалолиддин дар мавзуи «Саҳми олимони ҷавон дар рушди соҳаи ниҳолпарварии дарахтони мевадиҳандаи ҷумҳурӣ», мудири шуъбаи моҳипарварӣ ва харгӯшпарварии Институти чорводорӣ ва чарогоҳи АИКТ Шамсиддинзода Фаррух дар мавзуи «Таҳияи вояҳои самарабахшии хӯронидани моҳиҳои гармидӯст дар кӯлҳои моҳипарварии ноҳияҳои тобеи ҷумҳур ва минтақаи Кӯлоби вилояти Хатлон» бо презентатсияҳо баромад намуданд.

Дар охир аз рӯи баромаду пешниҳодҳо конференсия резолютсияи дахлдор қабул кард.