18 September 2026
17 сентябр дар шаҳри Кӯлоб муовини Сарвазири кишвар Сулаймон Зиёзода дар якҷоягӣ бо роҳбарияти МИҲД-и вилояти Хатлон ва масъулони шаҳр аз раванди нашъу намои пахта ва ҷамоварии он дар хоҷагиҳои пахтакор ва ширкати Пахтаи Кӯлоб шинос шуданд. Соли ҷорӣ дар масоҳати 2 995 гектар аз заминҳои шаҳри Кӯлоб навъҳои гуногуни пунбадона кишт гардида буд, ки айни замон масъулон бо ҷалби техникаҳои соҳави ва чинакчиён ба ҷамоварии он машғул мебошад. Гуфта шуд,ки ҷиҳати ҳар чи зудтар ва беталаф ҷамовари намудани ҳосили дар саҳро буда аз ҳамаи имконити мавҷуда ба таври самаранок истифода бояд намуд, то ҳосил пурра ҷамовари гардида ба корхонаҳои коркарди пахта супорида шавад.
16 September 2026
Дар доираи нақшаи чорабиниҳои Вазорати мудофиаи мамлакат ва ҷиҳати иҷрои дастуру супоришҳои Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ, генерали арииш, муҳтарам Эмомалӣ Раҳмон дар шаҳри Кӯлоб бо иштироки роҳбарияти Вазорати мудофиаи кишвар ҷамъомади санҷишӣ оид ба мудофиаи ҳудудӣ ва сатҳи тайёрии шаҳрвандон ба иҷрои вазифаҳои муҳими шаҳрвандӣ баргузор гардид.
16 September 2026
ШИНОСОИИ РАИСИ ВИЛОЯТИ ХАТЛОН БО ҶАРАЁНИ КОРҲОИ СОХТМОНИИ ИНШООТИ ҶАШНӢ ДАР ШАҲРИ КӮЛОБ 15 сентябр. Раиси вилояти Хатлон Давлаталӣ Саид бо мақсади шиносоӣ аз рафти корҳои сохтмонӣ, ободонӣ ва созандагӣ ба шаҳри Кӯлоб сафари корӣ анҷом доданд.Зимни сафар раиси вилоят аз рафти корҳои сохтмонӣ ва ободонӣ дар як қатор иншооти ҷашнӣ боздид намуда, бо масъулон ва сохтмончиён суҳбат карданд. Таъкид гардид, ки корҳои созандагӣ ба муносибати 35-солагии Истиқлоли давлатии Ҷумҳурии Тоҷикистон бояд бо сифати баланд, мутобиқ ба талаботи муосир ва дар муҳлатҳои муайяншуда анҷом дода шаванд.Раиси вилоят Давлаталӣ Саид ба масъулон ҷиҳати истифодаи самараноки имкониятҳо, ҷалби бештари мутахассисони маҳаллӣ, риояи меъёрҳои сохтмонӣ ва назорати сифати корҳои иҷрошаванда супоришҳои мушаххас доданд. Ҳамчунин, ба масъалаҳои ободонии гирду атрофи иншоот, кабудизоркунӣ, тозагӣ ва омодасозии инфрасохтори зарурӣ таваҷҷуҳи махсус зоҳир гардид.Дар ин замина, масъулон вазифадор гардиданд, ки корҳои сохтмонӣ ва ободониро бо масъулияти баланд идома дода, иҷрои саривақтии нақшаҳои пешбинишударо таъмин намоянд.
1 July 2026
Соҳибистиқлол гардидани мамлакат омили асосии рушду пешрафти кишвар ба ҳисоб меравад. Бо шарофати Истиқлоли давлатӣ Ҷумҳурии Тоҷикистон дар тамоми самтҳо ба дастовардҳои назаррас ноил гардида, корҳои созандагию бунёдкорӣ, аз ҷумла дар самти роҳсозӣ, рӯз ба рӯз вусъат меёбанд. Ба муносибати ҷашни таърихии миллат — 35-солагии Истиқлоли давлатии Ҷумҳурии Тоҷикистон, дар деҳаи Файзободи Ҷамоати деҳоти Даҳанаи шаҳри Кӯлоб аз ҷониби соҳибкорони ватанӣ корҳои мумфаршкунии роҳи дорои аҳамияти маҳаллӣ ба масофаи як километр оғоз гардид. Дар раванди корҳои роҳсозӣ техникаҳои махсус, аз ҷумла техникаҳои боркаш, ғалтакҳои роҳсозӣ ва дигар таҷҳизоти зарурӣ истифода гардида, корҳо бо суръати баланд идома доранд. Ҳамзамон, сокинони маҳаллӣ низ дар корҳои ободонӣ фаъолона саҳм гузошта, бо қувваи дастӣ дар омодасозии роҳ, тоза намудани канораҳои он, ҳамворкунӣ ва дигар корҳои ёрирасон иштирок менамоянд. Ин иқдоми созандагӣ бо мақсади фароҳам овардани шароити мусоиди рафтуомад барои сокинони деҳаҳои дурдасти шаҳри Кӯлоб роҳандозӣ гардида, барои беҳтар гардидани инфрасохтори роҳу нақлиёт ва сатҳи зиндагии аҳолӣ заминаи мусоид фароҳам меорад. Дар рафти корҳои мумфаршкунӣ масъулони мақомоти иҷроияи ҳокимияти давлатии шаҳри Кӯлоб ва дигар шахсони масъул иштирок намуда, аз ҷараёни корҳои роҳсозӣ боздид карданд. Иштироки фаъолонаи соҳибкорони ватанӣ, истифодаи техникаҳои зарурӣ ва саҳми бевоситаи сокинони маҳаллӣ аз ҳамбастагии мардум дар корҳои созандагиву ободонӣ дарак медиҳад. Ин иқдомҳо дар доираи омодагиҳо ба таҷлили 35-солагии Истиқлоли давлатии Ҷумҳурии Тоҷикистон минбаъд низ идома хоҳанд ёфт.
1 July 2026
ДАВРИ ФИНАЛИИ МУСОБИҚАИ ҶОМИ РАИСИ ШАҲРИ КӮЛОБ ОИД БА ФУТБОЛИ ХУРД Нақши Пешвои муаззами миллат, Асосгузори сулҳу Ваҳдати миллӣ Президент Ҷумҳурии Тоҷикистон муҳтарам Эмомалӣ Раҳмон футболро ҳамчун василаи пешбурди тарзи ҳаёти солим ва муаррифии кишвар дар арсаи байналмилалӣ дастгирӣ мекунад. Дар сатҳи ҷумҳурӣ, аз ҷумла дар шаҳри Душанбе ва дигар минтақаҳо, мунтазам иншооти нави замонавии варзишӣ, майдончаҳо ва маҷмааҳои футболӣ бунёд карда мешаванд, ки ба стандартҳои байналмилалӣ ҷавобгӯ мебошанд. Футбол ҳамчун як падидаи ҷаҳонӣ миллионҳо одамонро муттаҳид мекунад ва ба ҳамгироии иҷтимоӣ, сулҳ ва рушди устувор мусоидат менамояд. Дар соли 2024 Ассамблеяи Генералии СММ 25-уми майро Рӯзи ҷаҳонии футбол эълон карда, аввалин шуда садсолагии мусобиқаи байналмилалии футболро, ки дар доираи Бозиҳои олимпии соли 1924 дар Париж баргузор шуда буд, ҷашн гирифт. Ин ташаббус нақши футболро дар расидан ба Ҳадафҳои Рушди Устувор (ҲРУ), аз қабили таҳкими саломатӣ, баробарӣ ва шарикӣ таъкид мекунад. Дар Тоҷикистон футбол ҷойгоҳи худро дорад ва муҳтарам Рустами Эмомалӣ раиси шаҳри Душанбе, раиси Маҷлиси Миллии Маҷлиси Олии Ҷумҳурии Тоҷикистон, президенти Федератсияи футболи Тоҷикистон, президенти Ассотсиатсияи футболи Осиёи марказӣ дар рушди он нақши беназир дорад. Футболи хурд (мини-футбол) яке аз намудҳои оммавӣ ва дӯстдоштаи варзиш дар Тоҷикистон ба шумор меравад. Он дар сатҳи маҳаллаҳо, донишгоҳҳо, идораҳои давлатӣ ва хусусӣ бо мақсади таблиғи тарзи ҳаёти солим фаъолона рушд карда истодааст. Рушди футболи хурд ва оммавӣ қисми муҳими "Барномаи рушди футбол дар Ҷумҳурии Тоҷикистон" мебошад. Ин барномаҳо ба он нигаронида шудаанд, ки шавқу шӯри кӯдакон ва калонсолон ба варзиш дастгирӣ ёфта, шароити мусоид барои бозиҳои дастаҷамъӣ фароҳам оварда шавад. Мусобиқаи кушоди шаҳри Кӯлоб оид ба футболи хурд байни кормандони мақомоти ҳифзи ҳуқуқ, ташкилоту корхонаҳо ва муассисаҳои олии касбии шаҳр барои дарёфти ҷоми Раиси шаҳри Кӯлоб бахшида ба таҷлили “Рӯзи Ваҳдати миллӣ” бо иштироку суханронии раиси шаҳр муҳтарам Пирзода Диловар ифтитоҳ гардид. Даври ниҳоии финали мусобиқа барои ҷойҳои якуму дуюм байни дастаҳои Мақомоти иҷроияи ҳокимияти давлати шаҳри Кӯлоб бо дастаи Собиқадорони тими Равшани Кӯлоб шуда гузашт, ки барандаи ҷои якум барои гирифтани Ҷоми риси шаҳр ва медалҳои тиллою сипоснома дастаи футболбозони Мақомоти иҷрояи ҳокимияти давлатии шаҳри Кӯлоб баъди бурдани бозӣ ноил гаштанд. Ҳамчунин дастаи собиқадорони тими Равшани Кӯлоб соҳиби ҷои дуюм бо сазовор шудан ба медалҳои нуқраю сипосномаҳо ва ҷои сеюм бошад насиби дастаи Донишгоҳи инноватсия ва технологияҳои рақамии Тоҷикистон шуд, сазовори медалҳои биринҷӣ ва сипосномаҳо гардиданд.
1 July 2026
ҶАЛАСАИ ШӮРОИ ҲАМОҲАНГСОЗИИ ФАЪОЛИЯТИ МАҚОМОТИ ҲИФЗИ ҲУҚУҚ ДАР ШАҲРИ КӮЛОБ 26 июни соли 2026 дар толори маҷлисгоҳи прокуратураи шаҳри Кӯлоб таҳти роҳбарии прокурори шаҳри Кӯлоб ҷаласаи Шӯрои ҳамоҳангсозии фаъолияти мақомоти ҳифзи ҳуқуқ баргузор гардид. Дар кори ҷаласа раиси шаҳри Кӯлоб, аъзои Шӯрои ҳамоҳангсозӣ, роҳбарони мақомоти ҳифзи ҳуқуқ, мақомоти иҷроияи ҳокимияти давлатӣ, сохторҳои дахлдор, раисони ҷамоатҳои шаҳраку деҳот, раисони маҳаллаҳо ва дигар шахсони масъул иштирок намуданд. Дар ҷараёни ҷаласа масъалаи «Ҳолати риояи қонунгузорӣ ҳангоми ҷудо намудани қитъаҳои замин барои сохтмони биноҳои бисёрошёна, тартиби танзими раванди сохтмон, назорати иҷрои меъёрҳои шаҳрсозӣ, талаботи техникӣ ва бехатарӣ, инчунин қонуният ва шаффофияти қабули биноҳои истиқоматӣ ба истифода дар солҳои 2024, 2025 ва шаш моҳи соли 2026» мавриди баррасӣ ва муҳокимаи ҳамаҷониба қарор дода шуд. Зимни ҷаласа оид ба камбудиҳои ошкоргардида, сабабу омилҳои ба онҳо мусоидаткунанда ва роҳҳои бартараф намудани онҳо мубодилаи афкор сурат гирифта, аз ҷониби иштирокчиён фикру пешниҳодҳои мушаххас иброз гардиданд. Дар анҷоми ҷаласа бо мақсади таҳкими волоияти қонун, баланд бардоштани масъулияти мақомоти давлатӣ ва дигар сохторҳои дахлдор, инчунин пешгирии қонунвайронкуниҳо, қарорҳои дахлдор қабул гардида, ба роҳбарони мақомоти масъул супоришҳои мушаххас дода шуданд.
1 July 2026
ТАНТАНАҲОИ ҶАШНӢ БАХШИДА БА 29 СОЛАГИИ РӮЗИ ВАҲДАТИ МИЛЛӢ Ваҳдати миллӣ ҳамчун дастоварди бузурги таърихӣ ва ҷавҳари давлатдории навини тоҷикон дар тӯли солҳои соҳибистиқлолӣ ба омили муҳими ҳифзи арзишҳои миллӣ, забон, фарҳанг ва таърихи пурифтихори миллати тоҷик табдил ёфтааст. Ин рӯйдоди сарнавиштсоз на танҳо оғози марҳилаи нави давлатдорӣ, балки рамзи сулҳу субот, сарҷамъӣ ва пешрафти устувори ҷомеаи мо мебошад. Мояи ифтихору сарфарозист, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арзёбии саҳми сокинони шаҳри Кӯлоб дар роҳи таҳкими истиқлолият ва ваҳдати миллӣ чунин таъкид намудаанд: «Барои мардуми шарифи Кӯлоби бостонӣ, бахусус, ҷашни истиқлолият арзишу қимати беандоза дорад. Зеро барои ҳифзи истиқлолияти Ватани маҳбубамон, расидан ба сулҳу субот, ҳимояи Ҳукумати конститутсионӣ ва таҳкими ваҳдати миллӣ сокинони ин шаҳр баробари дигар ҳамватанони азизамон намунаи корнамоиву диловарӣ нишон дода, ҷонбозиҳои зиёд карданд ва аз ҳама бештар талафоти ҷониву моддӣ доданд». Ин таъкиди пурҳикмати Пешвои миллат бозгӯи ҳақиқати таърихист. Зеро мардуми сарбаланди Кӯлоб дар солҳои ҳассоси давлатсозӣ барои ҳифзи истиқлолияти давлатӣ, таҳкими ҳокимияти конститутсионӣ ва барқарории сулҳу оромӣ саҳми арзанда гузоштаанд. Воқеан ҳам, Ваҳдати миллӣ на танҳо оғози марҳилаи нави давлатдорӣ, балки рамзи ҳамбастагӣ, таҳаммулпазирӣ ва масъулияти муштараки шаҳрвандон дар назди Ватан мебошад. Ин арзиши муқаддас аз лаҳзаи имзои Созишномаи умумии истиқрори сулҳ ва ризоияти миллӣ то ба имрӯз ҳамчун пайвандгари наслҳо, таҳкимбахши давлатдорӣ ва омили муҳими рушди ҷомеа хизмат мекунад. Таърих гувоҳ аст, ки халқи соҳибтамаддуни тоҷик ҳамеша ваҳдату ҳамдилиро асоси бақои миллат ва пойдории давлат медонист. Сокинони бонангу номуси шаҳри Кӯлоб низ бо илҳом аз ниёи бо фазлу дониш дар лаҳзаҳои сарнавиштсози таърихӣ бо ҷасорату матонат ва садоқати худ ба Ватан намунаи ибрат нишон додаанд. Бо таъкиди Пешвои миллат: «Матонату ҷасорат ва ҷонфидоии ҳамватанони азиз, аз ҷумла фарзандони далеру шуҷоъ ва бонангу номуси ин шаҳр буд, ки пеши роҳи парокандагии миллати тоҷик ва хатари аз байн рафтани давлати ҷавони тоҷикон гирифта шуд ва барои зиндагии орому осудаи сокинони мамлакат фазои мусоид муҳайё гардид». Имрӯз идомаи ҳамин анъанаҳои неки ватандӯстӣ аз ҳар яки мо тақозо менамояд, ки дастовардҳои сулҳу ваҳдатро ҳифз намуда, барои таҳкими давлатдории миллӣ ва рушди устувори ҷомеа саҳми бештар гузорем. Бо шарофати сиёсати хирадмандона ва созандаи Пешвои миллат муҳтарам Эмомалӣ Раҳмон Ваҳдати миллӣ ба яке аз пояҳои асосии худшиносӣ, сарҷамъӣ ва пешрафти ҷомеаи Тоҷикистон табдил ёфтааст. Далели равшани эътирофи байналмилалии сиёсати сулҳофаринии Ҷумҳурии Тоҷикистон ва идомаи мантиқии ташаббусҳои созандаи Пешвои миллат он аст, ки 25 июни соли 2026 Маҷмаи Умумии Созмони Милали Муттаҳид бо пешниҳоди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон қатъномаи махсусро таҳти унвони «Даҳсолаи байналмилалии таҳкими сулҳ ба хотири наслҳои оянда» қабул намуд. Қабули ин санади муҳим, ки солҳои 2027-2036-ро Даҳсолаи байналмилалии таҳкими сулҳ эълон менамояд, бори дигар собит сохт, ки таҷрибаи нодири сулҳу ваҳдат ва оштии миллии Тоҷикистон имрӯз на танҳо барои мардуми кишвар, балки барои ҷомеаи ҷаҳонӣ низ ҳамчун намунаи арзишманд ва илҳомбахш эътироф гардидааст. Бешубҳа, ин дастоварди таърихӣ идомаи мантиқии сиёсати сулҳпарварона ва ваҳдатофарини Пешвои миллат буда, мақому нуфузи Тоҷикистонро ҳамчун кишвари ташаббускор дар таҳкими фарҳанги сулҳ, муколама ва ҳамдигарфаҳмии байни халқҳо дар арсаи байналмилалӣ боз ҳам таҳким мебахшад. Ваҳдати миллӣ, пеш аз ҳама, ҷашни сулҳу субот, амният ва созандагӣ мебошад. Маҳз баъди барқарор гардидани сулҳу ризоият барои рушди иқтисодиёт, ободонии шаҳру деҳот, бунёди иншооти муҳими иҷтимоӣ ва беҳтар гардидани сатҳи зиндагии мардум заминаҳои мусоид фароҳам омаданд. Мардуми шарифи Кӯлоби бостонӣ дар баробари халқи азизи Тоҷикистон бо шукргузорӣ аз сулҳу субот ва Ватани соҳибихтиёр ба корҳои ободониву созандагӣ ва бунёди инфрасохтори замонавӣ камари ҳиммат бастанд. Имрӯз низ ин анъанаи неки созандагӣ идома дошта, ҳар як сокини шаҳрро зарур аст, ки дар пешрафту ободии диёр саҳми арзандаи худро гузорад. Аз тамоми сокинон, соҳибкорон ва заҳматкашони шаҳр даъват ба амал меорам, ки аз фазои орому осудаи кишвар самаранок истифода намуда, барои рушди иқтисодиёт, фаровонии маҳсулот, таъсиси ҷойҳои нави корӣ ва баланд бардоштани сатҳи зиндагии мардум саъю кӯшиши бештар намоянд. Ҳамзамон, моро мебояд суннатҳои неки ваҳдатро тавассути тозаву озода нигоҳ доштани муҳити зист, ободонии маҳаллаву кӯчаҳо, вусъат бахшидани корҳои сабзкорӣ ва эҳтиром ба арзишҳои миллӣ боз ҳам таҳким бахшем. Шаҳри бостонии Кӯлоб бо таърихи пурифтихор ва фарҳанги ғании худ ҳамеша дар ҳифз ва таҳкими арзишҳои миллӣ, пояҳои давлатдорӣ ва рушди ҷомеа нақши намоён дорад. Хизматҳои шоистаи мардуми ин шаҳр аз ҷониби давлат ва Ҳукумати мамлакат ҳамеша қадрдонӣ мегарданд. Дар ин хусус Пешвои миллат чунин иброз намудаанд: «Давлат ва Ҳукумати Тоҷикистон хизматҳои бузурги мардуми шарифи Кӯлобро ҳамеша бо дидаи қадр менигарад ва ман ҳамчун Роҳбари давлат фидокориву ҷонбозиҳои ҷавонмардони Кӯлобро ҳаргиз фаромӯш намекунам. Сокинони ин шаҳри бостонӣ ҳамеша дастгиру ҷонибдори сиёсати давлату Ҳукумати мамлакат буданд ва дилпурона изҳор медорам, ки онҳо дар оянда низ бо ташаббусҳои созанда ва саҳми арзандаи хеш ин сиёсатро самимона ҷонибдорӣ хоҳанд кард». Боиси ифтихор аст, ки маҳз дар фазои сулҳу ваҳдат шаҳри Кӯлоб ба марҳилаи нави рушду пешрафт ворид гардида, дар тамоми соҳаҳои ҳаёти иҷтимоиву иқтисодӣ ба дастовардҳои назаррас ноил шудааст. Афзоиши ҳаҷми истеҳсоли маҳсулоти саноатӣ, рушди соҳаи кишоварзӣ, таъсиси корхонаҳои нави истеҳсолӣ ва беҳтар гардидани сатҳи хизматрасонӣ аз ҷумлаи нишонаҳои равшани ин пешрафт мебошанд. Имрӯзҳо мардуми шарафманди шаҳри Кӯлоб дар фазои сулҳу субот ва бо рӯҳияи баланди ватандӯстӣ барои истиқболи сазовори ҷашни 35-солагии Истиқлолияти давлатии Ҷумҳурии Тоҷикистон омодагӣ мебинанд. Корҳои ободониву созандагӣ вусъати тоза гирифта, сохтмони иншооти иҷтимоӣ, муассисаҳои таълимӣ ва тандурустӣ, роҳҳо ва дигар иншооти муҳими хизматрасонӣ бо маром идома доранд. Ваҳдати миллӣ моро ба ҳамдигарфаҳмӣ, таҳаммулгароӣ, меҳру муҳаббат, эҳтироми ҳамдигар ва садоқат ба Ватан раҳнамун месозад. Ҳифзу таҳкими ин неъмати бебаҳо вазифаи муқаддаси ҳар як шаҳрванди ватандӯст мебошад.
23 June 2026
БАРГУЗОРИИ ИҶЛОСИЯИ ҲАШТУМИ МАҶЛИСИ ВАКИЛОНИ ХАЛҚИ ШАҲРИ КӮЛОБ, ДАЪВАТИ ҲАФТУМ. 23.06.2026 Дар толори Мақомоти иҷроияи ҳокимияти давлатии шаҳри Кӯлоб Иҷлосияи ҳаштуми Маҷлиси вакилони халқи шаҳри Кӯлоб, даъвати ҳафтум, бо иштироки вакилон, намояндагони мақомоти ҳифзи ҳуқуқ, мудирони шуъбаву бахшҳо, роҳбарони ташкилоту муассисаҳо ва фаъолон баргузор гардид. Дар рафти баргузории иҷлосия масъалаҳои муҳими соҳаи иқтисодиёт аз ҷумла рафти амалишавии ҳадафи чоруми стратегии милли “Саноатикунонии босуръати мамлакат” дар шаҳри Кӯлоб мавриди таҳлил ва баррасии ҳамаҷониба қарор гирифт. Зимни баромадҳои масъулини соҳа зикр гардид, ки дар давоми чанд соли охир бо дастгириҳои Ҳукумати мамлакат ва бо ҷалби соҳибкоронӣ ватани дар ҳудуди шаҳри Кӯлоб коргоҳу корхонаҳои хурду бузурги саноати сохта мавриди истифода қарор дода шудаанд. Дарҷ гардид ки айни замон шумораи корхонаҳои саноати дар шаҳри Кӯлоб ба 77 адад расидааст, ки дар онҳо 91 номгуи маҳсулот истеҳсол карда мешаванд. Ҳамзамон таъкид гардид, ки бо афзоиши шумораи корхонаҳои саноатӣ дар шаҳр шумораи ҷойҳои корӣ низ муҳаё гардида барои шаҳрвандон шароити мусоиди кору фаъолият марҳила ба марҳила амали карда мешавад. Роҳбарияти МИҲД-и вилояти Хаттлон ва шаҳри Кӯлоб таъкид доштанд,ки Ҳукумати Ҷумҳурии Тоҷикистон хоса Асосгузори сулҳу ваҳдати милли Пешвои миллат Президенти Ҷумҳурии Тоҷикистон муҳтарам Эмомали Раҳмон ба масъала таъмин намудани сокинон бо ҷойҳои кории доимӣ ва фароҳам овардани шароити мусоид барои онҳо таваҷҷуҳи махсус равона менамоянд. Аз ҳамин лиҳоз ҳар як масъулро мебояд ки дар ин самт ҳама тадбирҳои лозимаро ҷиҳати боз ҳам беҳтар гардонидани фаъолияти кории кормандон амали намояд. Бояд иброз намуд,ки зиёд шудани шумораи коргоҳу корхонаҳои нави саноати дар шаҳру деҳоти мамлакат омили коҳиш ёфтани воридоти маҳсулот, зиёд гардиданӣ ҳаҷми маҷмуи маҳсулотӣ ватанӣ, муътадил нигоҳ доштани нархи молу маҳсулот ва дар беҳтар гардидани шароити зиндагии ҳар як шаҳрванди кишвар заминаҳои созгор мегузорад. Инчунин дар рафти ҷаласа ба масъала зиёд намудани шумораи ҷойҳои навӣ корӣ ва таъмин намудани сокинон бо ҷойҳои корӣ тавваҷуҳи махсус равона карда шуд. Гуфта шуд,ки бахшида ба 35-солагии истиқлоли давлатӣ дар ҳудуди шаҳри Кӯлоб як чанд коргоҳу корхонаҳои нав санотӣ ба фаъолият оғоз менамоянд, ки дар ин корхонаҳо ҷойҳои нави кори муҳайё гардида шумораи зиёде аз шаҳрвандон бо ҷойҳои корӣ таъмин мегарданд. Пас аз баррасии ҳамаҷонибаи масъалаҳои рӯзнома, вобаста ба ҳар як масъала бо овоздиҳии вакилони Маҷлиси вакилони халқи шаҳри Кӯлоб қарорҳои дахлдор қабул гардиданд. Дар фарҷоми иҷлосия масъулин аз вакилон даъват ба амал оварданд, ки ҷиҳати иҷрои содиқонаи ваколатҳои худ, ҳимояи манфиатҳои мардум ва татбиқи барномаҳои давлатӣ масъулияти баланд зоҳир намоянд. Таъкид гардид, ки дар партави сиёсати хирадмандонаи Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳар як хизматчии давлатӣ ва вакили мардумӣ бояд бо ҳисси баланди ватандӯстӣ, худшиносӣ ва масъулиятшиносӣ фаъолият намояд. Ҳамчунин таъкид карда шуд, ки дар остонаи ҷашни муқаддаси 35-солагии Истиқлолияти давлатии Ҷумҳурии Тоҷикистон тамоми сокинон, аз ҷумла вакилони мардумӣ, вазифадоранд барои ободонӣ, созандагӣ ва рушди устувори шаҳр саҳми арзандаи худро гузоранд. Зеро танҳо бо заҳмати содиқона ва ҳамкории дастаҷамъона метавон ба дастовардҳои назаррас ноил гардида, зиндагии шоистаи мардумро таъмин намуд.
