ШАНБЕГИИ ДАСТАҶАМЪОНА ДАР НОҲИЯИ ФИРДАВСӢ: саҳми муассисаи давлатии "нигоҳдории боғу гулгашт, майдончаҳои варзишӣ ва бозии кӯдакони ноҳияи Фирдавсӣ" дар ободонии мадончаҳои варзишӣ ба боғу гулгашт
Санаи 15 августи соли равон бо иштироки роҳбарият ва кормандони Муассисаи давлатии «Нигоҳдории боғу гулгашт, майдончаҳои варзишӣ ва бозии кӯдакони ноҳияи Фирдавсӣ»-и шаҳри Душанбе бо мақсади ободонӣ, тозагӣ ва омодагии шоиста ба ҷашни муқаддаси…
Санаи 15 августи соли равон бо иштироки роҳбарият ва кормандони Муассисаи давлатии «Нигоҳдории боғу гулгашт, майдончаҳои варзишӣ ва бозии кӯдакони ноҳияи Фирдавсӣ»-и шаҳри Душанбе бо мақсади ободонӣ, тозагӣ ва омодагии шоиста ба ҷашни муқаддаси миллӣ — 35-солагии Истиқлоли давлатии Ҷумҳурии Тоҷикистон шанбегии дастаҷамъона баргузор гардид.
Дар шанбегӣ гирду атрофи майдончаҳои варзишии ҳудуди ноҳия тоза ва ба ҳолати хуби санитарӣ оварда шуда, ҳамзамон, корҳои рангубор ва тармиму навсозии қисматҳои фарсудаи майдончаҳои варзишӣ анҷом дода шуд ва нуқсонҳои ҷойдошта бартараф гардиданд.
Зимни корҳои ободонӣ ба тозаву озода намудани муҳити атроф, рангубори таҷҳизоту иншооти майдончаҳо ва беҳтар намудани намои умумии онҳо таваҷҷуҳи махсус зоҳир карда шуд. Дар натиҷа, майдончаҳои варзишӣ намои тозаву зебо гирифта, барои истифодаи сокинон ва дӯстдорони варзиш шароити муносибтар фароҳам омад.
Гузаронидани чунин корҳои созандагӣ дар арафаи 35-солагии Истиқлоли давлатӣ яке аз иқдомҳои муҳими ободонию созандагӣ буда, ба беҳтар намудани муҳити зист, нигоҳдории инфрасохтори варзишӣ ва фароҳам овардани шароити мусоид барои истироҳату варзиши сокинон мусоидат менамояд.
Кормандони муассиса бо ҳисси баланди масъулиятшиносӣ ва рӯҳияи ватандӯстӣ корҳои ободониро идома дода, дар пешрафт ва зебоии ноҳияи Фирдавсӣ саҳми арзандаи худро мегузоранд.