Муовини Раиси шаҳри Душанбе аз ярмаркаҳои фурӯши либос ва лавозимоти мактабӣ боздид намуд.

Дар ин замина, имрӯз муовини Раиси шаҳри Душанбе Тоҳирзода Меҳриддин ҳамроҳ бо намояндагони сохторҳои дахлдор аз як қатор бозорҳо ва марказҳои савдои пойтахт боздид намуда, бо ҷараёни ташкили ярмаркаҳои фурӯши либоси ягонаи мактабӣ ва лавозимоти хониш аз наздик шинос шуданд.

 

Зимни боздид ба масъулони нуқтаҳои савдо ҷиҳати таъмини сифати баланди маҳсулот, баланд бардоштани сатҳи хизматрасонӣ, риояи талаботи санитарию беҳдоштӣ ва нигоҳ доштани нархҳои дастрасу муътадил дастуру супоришҳои мушаххас дода шуданд. Ҳамчунин таъкид гардид, ки дар давраи баргузории ярмаркаҳо ҳуқуқу манфиатҳои харидорон ҳифз гардида, аҳолӣ бо либосу лавозимоти хушсифати мактабӣ ва нархҳои мувофиқ таъмин карда шавад.