Шаклдиҳии дуруст ба рушди солим, мустаҳкамии дарахт ва ҳосили босифат дар оянда мусоидат мекунад. Ҷиҳати иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри…
Шаклдиҳии дуруст ба рушди солим, мустаҳкамии дарахт ва ҳосили босифат дар оянда мусоидат мекунад.
Ҷиҳати иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ ҷиҳати рушди соҳаи кишоварзӣ ва ба ин васила таъмин намудани амнияти озуқаворӣ, рӯзи саҳрои бо иштироки олимони Академияи илмҳои кишоварзии Тоҷикистон, мутахассисон ва боғу токпарварони ноҳияҳои шаҳри Душанбе баргузор гардид.
Дар рӯзи саҳрои аз ҷониби олимону мутахассисони Институти боғу токпарварӣ ва сабзавоткории Академияи илмҳои кишоварзии Тоҷикистон ба боғпарварон тарзи дурусти шаклдиҳии дарахтони мевадиҳанда ва муҳофизати онҳо аз касалию ҳашаротҳои зараррасон, дар амал нишондода, оид ба гузаронидани корҳои агротехникӣ дар боғҳо, муҳлатҳои шаклдиҳию шохабурии дарахтон, обмонии захиравӣ, яхобмонӣ, ворид намудани нуриҳои органикию фосфорӣ ва калигӣ, дар давраи оромии дарахтон, касалию зараррасонҳо, роҳҳои пешгирии онҳо, гузаронидани корҳои профилактикӣ баромад намуданд ва дар охир ба саволҳои деҳқонон ҷавобҳои мушаххас дода шуд.
Мақсад аз гузаронидани чунин семинару рӯзҳои саҳроӣ ин пеш аз ҳама робитаи илм бо истеҳсолот, пешравии рушди соҳа ва бархӯрдор будани боғдорону токпарварони пойтахт вобаста ба чорабиниҳои агротехникии боғу токзор дар давраи зимистону баҳор мебошад.
