ХОҶАГИИ ДЕҲҚОНИИ "АБДУВАХОБ-2006"
ШАҲРИ ТУРСУНЗОДА
Дар шароити муосири рушди соҳаи кишоварзӣ, пайвастагии илм бо истеҳсолот ҳамчун омили калидии баланд бардоштани самаранокӣ ва устувории истеҳсоли маҳсулоти кишоварзӣ баромад мекунад. Аз ин лиҳоз, ҳамкории олимони муассисаи илмӣ бо хоҷагидорони ҷумҳурӣ, аз ҷумла бо хоҷагии деҳқонии «Абдувахоб-2006»-и шаҳри Турсунзода, дар самти парвариши зироатҳои сабзавотӣ дар шароити гармхона аҳамияти хоса дорад.
Санаи 26 уми декабри соли равон дар доираи ҳамкории илмӣ-амалӣ, олимону мутахассисони муассиса тавсияҳои асосноки илмиро вобаста ба интихоби навъҳои серҳосилу мутобиқ ба шароити гармхона, омодасозии хок, низоми ғизодиҳии растаниҳо, танзими ҳарорат ва намнокӣ, инчунин ҳифзи фитосанитарии зироатҳо пешниҳод намуданд. Татбиқи ин тавсияҳо дар хоҷагии деҳқонии «Абдувахоб-2006» имкон фароҳам овард, ки равандҳои агротехникӣ ба таври оптималӣ роҳандозӣ гардида, сатҳи ҳосилнокӣ ва сифати маҳсулоти сабзавотӣ ба таври назаррас баланд бардошта шавад.
Натиҷаҳои мушоҳида ва таҳлили илмӣ нишон доданд, ки истифодаи технологияҳои муосири гармхонагӣ дар якҷоягӣ бо дастгирии илмӣ ба коҳиш ёфтани хароҷоти истеҳсолӣ, истифодаи самараноки захираҳо ва гирифтани маҳсулот дар тӯли сол мусоидат менамояд. Ин таҷриба далели равшани самаранокии ҳамкории илм ва истеҳсолот буда, метавонад ҳамчун намуна барои дигар хоҷагиҳои кишоварзии ҷумҳурӣ тавсия дода шавад.
Ҳамзамон, густариши ҳамкории олимон бо хоҷагидорон дар самти парвариши зироатҳои сабзавотӣ дар шароити гармхона омили муҳими рушди устувори соҳаи кишоварзӣ, таъмини амнияти озуқаворӣ ва ворид намудани дастовардҳои илмӣ ба истеҳсолоти амалӣ ба шумор меравад.
#СУРАТГУЗОРИШ 👇
