Бо шарофати дастгирии Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурӣ, дар Агентии авиатсияи граждании назди Ҳукумати Ҷумҳурии Тоҷикистон, қадамҳои пайдарпай барои рушди авиатсияи миллӣ ва ҳамгироӣ ба ҷомеаи байналмилалии авиатсионӣ амалӣ гардида истодааст.
Имрӯз дар шаҳри Душанбе нахустин маротиба ҷаласаи махсуси ҳамоҳангсозии гурӯҳи Ташкилоти байналмилалии авиатсияи гражданӣ (ИКАО) оид ба такмили хатҳои ҳавоии минтақаи шарқ – “RDGE – SСМ/2025 баргузор гардид, ки дар он саҳми КВД “Тоҷикаэронавигатсия” калон мебошад.
Директори Агентии авиатсияи гражданӣ Назарзода Ҳабибулло дар баромади худ қайд намуданд, ки иштироки фаъоли Ҷумҳурии Тоҷикистон дар фаъолияти ИКАО як қадами муҳим ва стратегӣ мебошад, ки ба рушди минбаъдаи соҳаи авиатсияи граждании Ҷумҳурии Тоҷикистон дар самти баланд бардоштани сатҳи амнияти парвозҳо, самаранокӣ таъсири худро мерасонад.
Баргузории чорабинии сатҳи байналмилалӣ, ки дар он намояндагони 23 давлати дунё иштирок доштанд, ҷиҳати зиёд намудани ҷуғрофияи парвозҳо, баланд бардоштани самаранокии интиқолоти байналмилалии ҳавоӣ, кӯтоҳ гардидани вақти роҳ ва хароҷоти амалиётӣ барои таъмини парвозҳои бехатар ва пешгӯишаванда мусоидат менамояд.
Аксҳо аз баргузории чорабинӣ
