Имрӯз вохӯрии маҷозӣ байни Агентии авиатсияи граждании назди Ҳукумати Ҷумҳурии Тоҷикистон ва Маъмурияти авиатсионии Ҷумҳурии Озарбойҷон баргузор гардид.
Бо мақсади мустаҳкам намудани ҳамкориҳои дуҷониба моҳи марти соли ҷорӣ тибқи вохӯрии маҷозӣ байни ширкати «AZAL», Агентии авиатсияи гражданӣ ва инчунин, ҶДММ «Ширкати ҳавопаймоии Сомон Эйр» масъалаи барқарор намудани парвозҳо дар хатсайри Душанбе-Боку-Душанбе баррасӣ гардиданд. Дар натиҷа, моҳи майи соли 2023 нахустин парвози мунтазам дар хатсайри Душанбе-Боку-Душанбе аз ҷониби ширкати ҳавопаймоии “Бута Эйрвейс” амалӣ гардид.
Боиси хушнудист, ки зимни сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Озарбойҷон, ки рӯзҳои 21-22 майи соли ҷорӣ баргузор гардида буд, аз рӯйи натиҷаҳои музокирот 14 санади нави ҳамкорӣ ба имзо расонида шуд.
Боварӣ ҳаст, ки дар оянда низ ҳамкориҳои байни ин ду кишвар дар пешрафти соҳаи авиатсияи гражданӣ боз ҳам рушд меёбад.
