12-уми марти соли 2026-ум муовини якуми вазири адлия Ҳакимзода Асадулло Қурбон дар шакли маҷозӣ дар мизи мудаввари байналмилалӣ, ки дар мавзуи «Нақши вазоратҳои адлия дар ташаккул ва татбиқи сиёсати ҳуқуқӣ дар давлатҳои иштирокдори Иттиҳоди Давлатҳои Мустақил» баргузор гардид, иштирок кард.
Дар рафти ҷаласа, муовини якумии вазири адлия дар мавзуи «Рақамикунонии фаъолияти Вазорати адлияи Ҷумҳурии Тоҷикистон» маърӯза кард. Дар суханронии худ, оид ба самтҳои асосии табдили рақамии низоми адлия, чораҳо оид ба ҷорӣ намудани технологияҳои муосири иттилоотӣ ва коммуникатсионӣ дар кори мақомоти адлия, инчунин корҳои анҷомдодашуда дар самти такмили механизмҳои ҳуқуқӣ ва ташкилӣ зикр кард.
Дар чорабинӣ намояндагони вазоратҳои адлия ва дигар мақомоти манфиатдори давлатӣ аз Арманистон, Беларус, Қирғизистон, Россия, Тоҷикистон ва Ӯзбекистон, инчунин намояндагони Суди иқтисодии ИДМ ва Кумитаи иҷроияи ИДМ иштирок карданд.
Дар кори мизи мудаввар, иштирокчиён дар бораи рушд ва такмили сиёсати ҳуқуқӣ дар давлатҳои иштирокдори Иттиҳоди Давлатҳои Мустақил, инчунин баланд бардоштани самаранокии мақомоти адлия дар шароити кунунӣ мубодилаи афкор намуданд.
