Агентии захираҳои моддии давлатии назди Ҳукумати Ҷумҳурии Тоҷикистон

Агентии захираҳои давлатии моддии назди Ҳукумати Ҷумҳурии Тоҷикистон мақоми марказии ҳокимияти иҷроия буда, вазифаҳои татбиқи сиёсати давлатиро дар соҳаи захираҳои давлатӣ амалӣ менамояд. Фаъолияти Агентӣ дар асоси Конститутсияи Ҷумҳурии Тоҷикистон, қонунҳои Ҷумҳурии Тоҷикистон, санадҳои Президенти Ҷумҳурии Тоҷикистон ва Ҳукумати Ҷумҳурии Тоҷикистон, шартномаҳои байналмилалии Ҷумҳурии Тоҷикистон, инчунин Низомнома ба роҳ монда мешавад. Агентӣ фаъолияти худро дар ҳамкорӣ бо дигар мақомоти марказии ҳокимияти иҷроияи Ҷумҳурии Тоҷикистон, мақомоти маҳаллии ҳокимияти иҷроия, иттиҳодияҳои ҷамъиятӣ ва дигар ташкилотҳо амалӣ менамояд.