Имрӯз дар Агентии омори назди Президенти Ҷумҳурии Тоҷикистон Миссияи Бонки Ҷаҳонӣ оид ба дастгирии татбиқ ва назорати Лоиҳаи навкунии низоми миллии омори Тоҷикистон таҳти раёсати роҳбари лоиҳа Алишер Раҷабов ва коршиносони Бонки ҷаҳонӣ ба кори худ оғоз кард.
Нахуст мулоқоти Директори Агентии омори назди Президенти Ҷумҳурии Тоҷикистон Ҷамшед Нурмаҳмадзода бо роҳбарияти лоиҳа ва коршиносони Бонки Ҷаҳонӣ баргузор гардид, ки зимни он масъалаҳои марбут ба раванди татбиқи лоиҳа, вазифаҳои дарпешистода ва барномаи кори миссия мавриди баррасӣ қарор гирифт.
Ҳамчунин баргузории мулоқотҳои Гурӯҳи татбиқи лоиҳа бо мутахассисони Агентии омор ва Вазорати молия ҷиҳати баррасии масъалаҳои вобаста ба барномаи кории миссияи мазкур дар назар гирифта шудааст.
Дар доираи кори миссия роҳбари лоиҳа ва гурӯҳи коршиносон барои огаҳӣ пайдо кардан аз раванди навакунии низоми милли омор бо фаъолияти мақомоти омори маҳаллӣ низ ошно хоҳанд шуд.
