Санаи 14-уми ноябри соли равон дар Вазорати кишоварзии Ҷумҳурии Тоҷикистон ҷаласаи тантанавӣ ба муносибати Рӯзи Президенти Ҷумҳурии Тоҷикистон ва Иҷлосияи ХVI Шӯрои Олии Ҷумҳурии Тоҷикистон баргузор гардид. Дар чорабинӣ Вазири кишоварзии Ҷумҳурии…
Санаи 14-уми ноябри соли равон дар Вазорати кишоварзии Ҷумҳурии Тоҷикистон ҷаласаи тантанавӣ ба муносибати Рӯзи Президенти Ҷумҳурии Тоҷикистон ва Иҷлосияи ХVI Шӯрои Олии Ҷумҳурии Тоҷикистон баргузор гардид.
Дар чорабинӣ Вазири кишоварзии Ҷумҳурии Тоҷикистон Ҳакимзода Қурбон, муовинони вазир, сардорони раёсату шуъбаҳо, кормандони дастгоҳи марказии вазорат ва роҳбарони муассисаву ташкилотҳои зертобеъ иштирок намуданд.
Ҷаласаи тантанавиро Вазири кишоварзии Ҷумҳурии тоҷикистон Ҳакимзода Қурбон ифтитоҳ намуда, аз номи роҳбарияти Вазорат кулли кормандонро ба муносибати Рӯзи Президенти Ҷумҳурии Тоҷикистон ва Иҷлосияи ХVI Шӯрои Олии Ҷумҳурии Тоҷикистон муборакбод карда, зимни суханрониҳо оид ба таърихи Иҷлосияи ХVI Шӯрои Олии Ҷумҳурии Тоҷикистон ва хизматҳои шабона рӯзӣ, дастгириву ғамхориҳои ҳамешагӣ ва сиёсати пешгирифтаи хирадмандонаву оқилонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушди тамоми соҳаҳои иқтисодиву иҷтимоӣ дар ҷумҳурӣ ва хусусан дар рушди соҳаи кишоварзӣ андешаҳои худро иброз сохтанд.
Инчунин дар чорабинии мазкур Ректори Донишгоҳи аграрии Тоҷикистон профессор Маҳмадёрзода Усмон ва Директори КВДҶ “Тоҷикагролизинг” Акрамзода Юсуф баромад намуда, андешаҳои худро бобати таҷлили Рӯзи Президенти Ҷумҳурии Тоҷикистон, Иҷлосияи ХVI Шӯрои Олии Ҷумҳурии Тоҷикистон ва хизматҳои шоёни Пешвои муаззами миллат муҳтарам Эмомалӣ Раҳмон иброз намуданд.
Маркази матбуот ва иттилооти Вазорати кишоварзии Ҷумҳурии Тоҷикистон
