18 сентябри соли 2025 дар шаҳри Душанбе ҷаласаи 37-уми шӯрои Байниҳукуматӣ оид ба масъалаҳои комплекси агросаноатии Иттиҳоди Давлатҳои Мустақил (ИДМ) баргузор гардид. Ҷаласаро Вазири кишоварзии Ҷумҳурии Тоҷикистон Ҳакимзода Қурбон роҳбарӣ намуда,…
18 сентябри соли 2025 дар шаҳри Душанбе ҷаласаи 37-уми шӯрои Байниҳукуматӣ оид ба масъалаҳои комплекси агросаноатии Иттиҳоди Давлатҳои Мустақил (ИДМ) баргузор гардид. Ҷаласаро Вазири кишоварзии Ҷумҳурии Тоҷикистон Ҳакимзода Қурбон роҳбарӣ намуда, вазирон ва намояндагони кишварҳои ИДМ иштирок намуданд.
Дар Ҷаласа таҳкими ҳамкорӣ байни кишварҳои иштирокчӣ дар соҳаи кишоварзӣ, таъмини амнияти озуқаворӣ ва мусоидат ба рушди устувори маҷмааи агросаноатӣ дар минтақаи ИДМ мавриди баррасӣ қарор дода шуда, ҳамзамон натиҷаҳои ҷамъбасти раёсати Вазорати кишоварзии Федератсияи Русия дар солҳои 2024-2025 шунида шуд. Дар доираи ҷаласа раиси Шӯро барои солҳои 2025-2026 Вазири кишоварзии Ҷумҳурии Тоҷикистон Ҳакимзода Қурбон интихоб карда шуд.
Дар Ҷаласа иштирокдорон лоиҳаи таҳрири нави Созишномаро дар бораи муносибатҳои байнидавлатӣ оид ба масъалаҳои комплекси агросаноатӣ аз 29 марти соли 1993 баррасӣ карданд. Ин имкон дод, ки ҳуҷҷат ба мушкилот ва вазифаҳои муосир мутобиқ карда шавад.
Дар Ҷаласа инчунин ба таҳияи Барномаи ҳамкорӣ дар соҳаи амнияти озуқаворӣ, ки ба таҳкими худтаъминкунии минтақавӣ ва коҳиш додани вобастагӣ аз омилҳои беруна ва татбиқи маҷмӯи чораҳо оид ба пешгирии рушди ҳашароти зараррасони малах то соли 2026 баррасӣ карда шуд, ки барои ҳифзи ҳосил ва таъмини суботи кишоварзӣ марвиди баррасӣ қарор гирифт.
Дар Ҷаласа оид ба тамоюлҳои муосири гӯсфандпарварӣ, таҷрибаи Тоҷикистон оид ба ҳамкорӣ бо Созмони озуқаворӣ ва кишоварзии СММ (ФАО) ба низоми мероси кишоварзии аҳамияти ҷаҳонӣ ворид шудани Дараи Алмосӣ, ангури навъи тоифи ва гусфанди зоти ҳисорӣ, инчунин ташаббус оид ба додани мақоми ташкилоти ИДМ ба Академияи кишоварзии Белорус оид ба тайёр намудани мутахассисон дар соҳаи моҳипарварӣ гузоришҳо шунида шуданд.
Дар охир дар Ҷаласа аҳамияти талошҳои муштаракро барои ҳалли масъалаҳои мубрами соҳаи кишоварзӣ таъкид намуда, ба рушди ҳамкориҳои мутақобилан судманд ва таҳкими робитаҳои байни кишварҳои ИДМ маъқул дониста шуд.
Мавриди зикр аст, ки Ҷаласаи навбатӣ соли 2026 дар Ҷумҳурии Узбекистон баргузор мегардад.
