3 июли соли 2024 раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Раҳимзода Султон бо сафири Фавқулода ва мухтори Ҷумҳурии Ҳиндустон дар Тоҷикистон Раҷеш Уике мулоқот анҷом доданд.
Дар вохӯрӣ ҷонибҳо масъалаҳои татбиқи лоиҳаҳои сармоягузорӣ дар самтҳои энергияи сабз, рақамикунонии иқтисодиёт, ҷалби сайёҳони ҳиндустонӣ ба кишвар ва ғайраро мавриди муҳокимаронӣ қарор доданд.
Дар баробари ин, масъалаи баргузории муколамаи соҳибкорони ҳарду кишвар дар соҳаи тандурустӣ ва доруворӣ, ки санаи 25-26 июли соли 2024 дар шаҳри Душанбе ба нақша гирифта шудааст, баррасӣ гардид.
Дар фарҷом пешниҳод гардид, ки ҷонибҳо барои ҷалби сармоя ҷиҳати ташкили корхонаҳои муштарак дар кишвар корбариро идома диҳанд.
