Имрӯз дар Кумитаи рушди маҳали назди Президенти Ҷумҳурии Тоҷикистон бо мақсади иҷрои Фармони Президенти Ҷумҳурии Тоҷикистон аз 1 июни соли 2021, №187 оид ба Стратегияи муқовимат ба экстремизм ва тероризм дар Ҷумҳурии Тоҷикистон барои солҳои 2021-2025, ки мутобиқи банди 19 фармоиши Раиси Кумита аз 9 январи соли 2025, №4 оид ба ташкили машғулияти идоравӣ тасдиқ гардидааст, бо кормандони Кумита машғулияти идоравӣ баргузор гардида аз натиҷаи он протоколи дахлдор тартиб дода шуд.
Зимни баргузории машғулият ёдрас гардид, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олии Ҷумҳурии Тоҷикистон нисбати таҳдиди хатаромези падидаҳои коррупсионӣ дар ҷомеа таваҷҷӯҳи махсус зоҳир намуда, мақомотҳои қудратиро вазифадор намуданд, ки нисбати ин падидаи номатлуб муборизаи беамон бурда, дар ин кор бо ҷалби бештари аҳли ҷамоатчигӣ чораю тадбирҳои зарурӣ андешида, иҷрои нақшаю барномаҳоеро, ки ба ин самт нигаронида шудааст, таъмин намоянд.
Дар Ҷумҳурии Тоҷикистон чанд санадҳои меъёрии ҳуқуқӣ, аз ҷумла Стратегияи муқовимат ба экстремизм ва тероризм дар Ҷумҳурии Тоҷикистон, Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030, Стратегияи миллии рушди Ҷумҳурии Тоҷикистон барои давраи то соли 2030 қабул гардида, мавриди иҷро қарор дорад.
Баргузории чунин дарсҳои идоравӣ барои кормандони Кумита дар роҳи таъмини волоияти қонун ва шафофии фаъолият хеле судманд буда, ҳар корманд вазифадор аст волоияти қонунро эътироф ва онро дар баробари тарғиб дар амал низ татбиқ намояд.
