Санаи 28 июли соли равон дар шаҳри Брест Ҷаласаи 19-уми Комиссияи байниҳукуматии Ҷумҳуриҳои Тоҷикистон Беларус доир ба ҳамкориҳои тиҷоратию иқтисодӣ баргузор гардид. Дар кори ҷаласа Вазири кишоварзии Ҷумҳурии Тоҷикистон Ҳакимзода Қурбон, Вазири…
Санаи 28 июли соли равон дар шаҳри Брест Ҷаласаи 19-уми Комиссияи байниҳукуматии Ҷумҳуриҳои Тоҷикистон Беларус доир ба ҳамкориҳои тиҷоратию иқтисодӣ баргузор гардид.
Дар кори ҷаласа Вазири кишоварзии Ҷумҳурии Тоҷикистон Ҳакимзода Қурбон, Вазири кишоварзӣ ва озуқавории Ҷумҳурии Беларус Юрий Горлов, Сафири фавқулода ва Мухтори Ҷумҳурии Тоҷикистон дар Ҷумҳурии Беларус Сафарзода Бахтовар, намояндагони вазорату идораҳои дахлдори Ҷумҳуриҳои Тоҷикистону Беларус, мақомоти иҷроияи ҳокимияти давлатии вилояти Суғду Хатлон, шаҳри Душанбе ва бахшҳои хусусии ҷонибҳо иштирок намуданд.
Мавриди зикр аст, ки ҳамраисии Комиссияи байниҳукуматии Ҷумҳуриҳои Тоҷикистону Беларусро аз ҷониби Ҷумҳурии Тоҷикистон - вазири кишоварзӣ Ҳакимзода Қурбон ва аз ҷониби Ҷумҳурии Беларус – вазири кишоварзӣ ва озуқаворӣ Юрий Горлов, роҳбарӣ намуданд.
Ҳамраисон Ҳакимзода Қурбон ва Юрий Горлов зимни суханронӣ доир ба дастовардҳову нишондиҳандаҳои ҳамкориҳои судманди дуҷониба ва амалисозии дастуру супоришҳои Роҳбарияти олии ду кишвари дӯст Президенти Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон ва Президенти Ҷумҳурии Беларус муҳтарам Александр Лукашенко ҳарф заданд.
Тибқи рўзномаи ҷаласа дар доираи ҷаласаи мазкур ҳолати кунунӣ ва дурнамои ҳамкориҳои тиҷоратию иқтисодӣ ва сармоягузорӣ, ҳамкорӣ дар соҳаи кишоварзӣ, саноат, озуқаворӣ, илму маориф, тандурустӣ, дорусозӣ, ҳифзи иҷтимоии аҳолӣ, ҳамкориҳои байниминтақавӣ, тайёр намудани кадрҳои комплекси агросаноатӣ, нақлиёт, логистика, рақамикунонӣ ва дигар масъалаҳои ҷолиби таваҷҷуҳи тарафайн баррасӣ гардиданд.
Дар рафти ҷаласаи корӣ аз ҷониби Ҷумҳуриҳои Тоҷикистону Беларус аз ҷумла, сафирон, намояндагони вазорату идораҳо ва бахшҳои хусусӣ баромад намуда, оид ба ҳамкориҳои дуҷониба ибрози назар карданд.
Дар ҷаласа Созишномаи 19-уми Комиссияи Байниҳукуматии Беларус-Тоҷикистон оид ба масъалаҳои ҳамкории тиҷоратию иқтисодӣ аз ҷониби Вазири кишоварзии Ҷумҳурии Тоҷикистон Ҳакимзода Қурбон ва Вазири кишоварзӣ ва озуқавории Ҷумҳурии Беларус Юрий Горлов ба имзо расонида шуд.
Инчунин барномаи миёнамуҳлати ҳамкориҳои дуҷониба то соли 2031 ва Созишномаву Шартномаҳо ба имзо расонида шуд, ки маблағи умумии он 26 миллион долларро ташкил медиҳад.
Маркази матбуоти Вазорати кишоварзии Ҷумҳурии Тоҷикистон
