Дар доираи таҷлили Рӯзи ҷавонони Тоҷикистон, Рӯзи ҷаҳонии футбол ва 35 солагии Истиқлолияти давлатии Ҷумҳурии Тоҷикистон санаи 25 майи соли равон дар Вазорати кишоварзии Ҷумҳурии Тоҷикистон таҳти унвони «Нақши ҷавонон дар таҳкими Истиқлоли давлатӣ»…
Дар доираи таҷлили Рӯзи ҷавонони Тоҷикистон, Рӯзи ҷаҳонии футбол ва 35 солагии Истиқлолияти давлатии Ҷумҳурии Тоҷикистон санаи 25 майи соли равон дар Вазорати кишоварзии Ҷумҳурии Тоҷикистон таҳти унвони «Нақши ҷавонон дар таҳкими Истиқлоли давлатӣ» Ҳамоиши ҷавонони соҳаи кишоварзӣ баргузор гардад.
Дар ҳамоиши мазкур муовини вазири кишоварзӣ Аҳмадзода Баҳромҷон, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Чоршанбезода Сураҷ Сайнак, ҷавонони дастгоҳи марказӣ ва зертобеи вазорат иштирок намуданд.
Меҳмонон дар саҳни бинои Вазорат аз дастовардҳои ҷавонони вазорат дидан карданд.
Муовини вазир Аҳмадзода Баҳромҷон ҳозиринро ба Вазорати кишоварзии Ҷумҳурии Тоҷикистон хайрамақдам гуфта, қайд намуд, ки арҷгузории чунин чорабиниҳо дар партави сиёсати ҷавонпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сурат гирифта, ба баланд бардоштани ҳисси ватандӯстӣ, худшиносии миллӣ ва фаъолсозии неруи созандаи ҷавонон равона гардидааст.
Сипас муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Чоршанбезода Сураҷ Сайнак баромад намуда аз ҷумла қайд кард, ки имрӯз ҷавонон ҳамчун қувваи бузурги пешбарандаи ҷомеа дар ҳамаи соҳаҳои ҳаёти кишвар, аз ҷумла соҳаи кишоварзӣ, нақши муҳим доранд ва саҳми онҳо дар татбиқи ҳадафҳои стратегии давлат сол ба сол бештар мегардад.
Дар фарҷом як гурӯҳ кормандони ҷавони Вазорати кишоварзии Ҷумҳурии Тоҷикистон барои фаъолияти босамар, ҳисси баланди масъулиятшиносӣ ва саҳми арзанда дар рушди соҳа бо Сипосномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шуданд.
Маркази матбуоти Вазорати кишоварзи Ҷумҳурии Тоҷикистон
