22 августи соли 2026 Дар доираи сафари корӣ ба ноҳияи Нуробод ва ҷиҳати шиносоӣ бо рафти корҳои созандагию бунёдкорӣ ба истиқболи ҷашни 35-солагии Истиқлоли давлатии Ҷумҳурии Тоҷикистон, раиси Кумитаи рушди маҳали назди Президенти Ҷумҳурии…
Дар доираи сафари корӣ ба ноҳияи Нуробод ва ҷиҳати шиносоӣ бо рафти корҳои созандагию бунёдкорӣ ба истиқболи ҷашни 35-солагии Истиқлоли давлатии Ҷумҳурии Тоҷикистон, раиси Кумитаи рушди маҳали назди Президенти Ҷумҳурии Тоҷикистон Камолиддин Муминзод аз як қатор иншооти ҷашнӣ боздид намуд.
Раиси ноҳияи Нуробод Солеҳзода Фатҳуддин Ҳусен раиси Кумитаи рушди маҳалро зимни боздид ҳамроҳӣ намуда, оид ба рафти корҳои сохтмонӣ дар иншооти ҷашнӣ маълумоти зарурӣ пешниҳод намуд.
Зимни боздид рафти корҳои сохтмонӣ, сатҳи иҷрои корҳои анҷомдодашуда, сифати корҳои сохтмонӣ ва тадбирҳои андешидашуда ҷиҳати дар муҳлатҳои муайянгардида ба анҷом расонидани иншоот мавриди баррасӣ қарор гирифт.
Раиси Кумитаи рушди маҳали назди Президенти Ҷумҳурии Тоҷикистон Камолиддин Муминзод таъкид намуд, ки корҳои сохтмонӣ дар иншооти ҷашнӣ бояд бо риояи талаботи меъёрҳои сохтмонӣ ва бо сифати баланд ба роҳ монда шуда, барои сари вақт ба анҷом расонидани онҳо тадбирҳои зарурӣ андешида шаванд.
Ҳамзамон, ба масъулини дахлдор ҷиҳати суръат бахшидан ба корҳои сохтмонӣ, истифодаи самараноки имкониятҳои мавҷуда, таъмини сифати корҳо ва риояи муҳлатҳои пешбинишуда дастуру супоришҳои мушаххас дода шуд.
Инчунин, таъкид гардид, ки корҳои сохтмонӣ дар иншооти ҷашнӣ бояд мутобиқ ба нақшаи пешбинишуда идома дода шуда, масъулин барои дар муҳлатҳои муқарраргардида ва бо сифати баланд ба анҷом расонидани корҳои сохтмонӣ тамоми чораҳои заруриро амалӣ намоянд.
Боздиди мазкур бо мақсади шиносоӣ бо рафти корҳои сохтмонӣ ва муайян намудани масъалаҳои ҳалталаб дар иншооти ҷашнӣ анҷом дода шуда, масъулини дахлдор барои идомаи босифат ва саривақтии корҳои сохтмонӣ вазифадор гардиданд.
