Кумитаи рушди маҳали назди Президенти Ҷумҳурии Тоҷикистон бо дастгирии Ҳукумати Ҷумҳурии Тоҷикистон дар заминаи ҳамкориҳои судманд бо Ташкилоти ғайритиҷоратии Сэмаул Ундони Ҷумҳурии Кореяи Ҷанубӣ амалишавии лоиҳаҳои пилотиро дар 4 маҳаллаҳои кишвар ба роҳ мондааст.
Дар доираи ҳамкориҳои мазкур гурӯҳи корӣ таҳти раҳбарии Раиси Кумитаи рушди маҳали назди Президенти Ҷумҳурии Тоҷикистон - Шарифҷон Ҷумъазода дар вохурии дуюми вазирони Сэмаул Ундон дар соли 2025 дар шаҳри Киёнгҷуи Ҷумҳурии Корея аз 16 то 19 сентябри соли ҷорӣ иштирок менамоянд.
Зимни чорабинии мазкур тибқи барнома баромаду рунамоҳо аз ҷониби гурӯҳи корӣ дар назар дошта шуда инчунин вохурии Раиси Кумита бо Президенти Ташкилоти Сэмаул Ундон ҷаноби Ким Гван Лим ба нақша гирифта шудааст. Дар вохурӣ масъалаҳои ҳамкориҳои судманди муштарак, роҳҳои самаранок татбиқ намудани лоиҳаҳои пилотӣ дар деҳаҳои Тоҷикистон, таҷрибаомӯзии масъулони рушди маҳал аз фаъолияти пешрафтаи Сэмаул Ундон, бозомӯзӣ ва татбиқи лоиҳа дар дигар маҳаллаҳои кишвар мавриди баррасӣ ва муҳокима қарор мегирад.
