16 апрел ҷаласаи Комиссияи доимии Ассамблеяи Байнипарлумонии кишварҳои узви ИДМ оид ба иқтисод ва молия дар шаҳри Сантк-Петербурги Федератсияи Россия баргузор гардид, ки дар он раиси Кумитаи Маҷлиси намояндагон оид ба иқтисод ва молия Ашурзода Ғиёсиддин иштирок ва суханронӣ намуд.
Дар ин ҷаласа раис ва муовини раиси Комиссияи доимии Ассамблеяи Байнипарлумонии ИДМ оид ба иқтисод ва молия интихоб гардиданд.
Лоиҳаи қонунҳои моделӣ «Дар бораи банақшагирии стратегӣ», «Дар бораи имзои электронӣ», «Дар бораи муфлисшавии фаромарзӣ ва муфлисшавӣ» ва «Дар бораи шуғли платформавӣ» мавриди муҳокима қарор гирифтанд.
Инчунин, дар ҷаласа маълумоти коршиносон дар бораи марҳилаҳои таҳия ва татбиқи лоиҳаҳои қонунҳои моделӣ шунида шуда, аъзои Комиссия пешниҳодҳои лоиҳаи Нақшаи ояндаи қонунгузории моделиро дар Иттиҳоди Давлатҳои Мустақил муҳокима намуданд.
