Дар Ҷамоати деҳоти Вахшони ноҳияи Абдураҳмони Ҷомӣ маъракаи ҷамъоварии ҳосили пахта идома дорад. Кишоварзон бо истифода аз рӯзҳои мусоиди тирамоҳӣ ба ҷамъоварии саривақтии «тиллои сафед» машғул буда, барои ҳарчи бештар ҷамъоварӣ намудани ҳосили…
Дар Ҷамоати деҳоти Вахшони ноҳияи Абдураҳмони Ҷомӣ маъракаи ҷамъоварии ҳосили пахта идома дорад. Кишоварзон бо истифода аз рӯзҳои мусоиди тирамоҳӣ ба ҷамъоварии саривақтии «тиллои сафед» машғул буда, барои ҳарчи бештар ҷамъоварӣ намудани ҳосили рӯёнидашуда саъю талош менамоянд.
Дар рафти корҳои пахтачинӣ муовини раиси ноҳияи Абдураҳмони Ҷомӣ Қосимӣ Назокат Шералӣ иштирок намуда, бо рафти ҷамъоварии ҳосил, фаъолияти пахтачинон ва шароити меҳнатии онҳо шинос гардид.
Зимни суҳбат бо пахтачинон таъкид гардид, ки ҷамъоварии саривақтии пахта барои нигоҳ доштани сифати ҳосил ва иҷрои нақшаҳои истеҳсолӣ аҳамияти муҳим дорад. Кишоварзон низ изҳор доштанд, ки бо меҳнати софдилона ва истифодаи самараноки ҳар рӯзи корӣ кӯшиш менамоянд, ҳосили рӯёнидашударо беталаф ҷамъоварӣ намоянд.
Пахтачинӣ меҳнати пурзаҳмат буда, саҳми пахтачинон дар ҷамъоварии ҳосили пахта ниҳоят арзишманд мебошад. Аз ин рӯ, ҳавасмандгардонии меҳнаткашон ва қадршиносии заҳмати онҳо яке аз омилҳои муҳими баланд бардоштани рӯҳияи корӣ ба ҳисоб меравад.
Бо мақсади қадршиносӣ ва ҳавасманд намудани меҳнати пахтачинон, аз номи раиси ноҳияи Абдураҳмони Ҷомӣ ба беҳтарин пахтачин тӯҳфа тақдим карда шуд. Ин иқдом нишонаи эҳтиром ба меҳнати софдилонаи кишоварзон ва пахтачинон буда, барои дигар кормандони саҳро низ рӯҳияи хуби корӣ бахшид.
Муовини раиси ноҳия Қосимӣ Назокат зимни суҳбат бо пахтачинон онҳоро ба меҳнати боз ҳам бештар, ҷамъоварии беталафи ҳосил ва истифодаи самараноки имкониятҳои мавҷуда даъват намуда, таъкид кард, ки натиҷаи меҳнати ҳар як пахтачин дар таъмини фаровонии маҳсулоти кишоварзӣ ва рушди соҳаи кишоварзӣ саҳми арзанда мегузорад.
Дар баробари ин, ба масъулини соҳа ва роҳбарони хоҷагиҳо ҷиҳати фароҳам овардани шароити зарурӣ барои пахтачинон, сари вақт ташкил намудани интиқоли ҳосили ҷамъоваришуда ва назорати сифати пахта супоришҳои дахлдор дода шуд.
Пахтачинони Ҷамоати деҳоти Вахшон бо дарки масъулияти баланди меҳнатӣ тасмим гирифтаанд, ки дар рӯзҳои минбаъда низ бо ғайрати бештар фаъолият намуда, дар ҷамъоварии пурраи ҳосили пахта саҳми арзандаи худро гузоранд.
Қадршиносии меҳнати пахтачинон аз ҷониби роҳбарияти ноҳия, аз ҷумла тақдими тӯҳфа ба беҳтарин пахтачин, далели таваҷҷуҳи хос ба меҳнати кишоварзон буда, метавонад барои боз ҳам баланд бардоштани ҳосилнокии меҳнат ва натиҷаҳои истеҳсолӣ заминаи мусоид фароҳам оварад.
