27 майи соли 2025 онлайн - вохӯрии роҳбарияти Маркази миллии қонунгузории назди Президенти Ҷумҳурии Тоҷикистон бо роҳбарияти Донишгоҳи сиёсатшиносӣ ва ҳуқуқи Гансуи Ҷумҳурии Мардумии Чин баргузор гардид. Дар оғози вохӯрӣ директори Маркази миллии…
27 майи соли 2025 онлайн - вохӯрии роҳбарияти Маркази миллии қонунгузории назди Президенти Ҷумҳурии Тоҷикистон бо роҳбарияти Донишгоҳи сиёсатшиносӣ ва ҳуқуқи Гансуи Ҷумҳурии Мардумии Чин баргузор гардид.
Дар оғози вохӯрӣ директори Маркази миллии қонунгузорӣ вобаста ба самтҳои фаъолияти Марказ суханронӣ намуда, доир ба фаъолияти Донишгоҳи сиёсатшиносӣ ва ҳуқуқи Гансу аз ҷониби ректори Донишгоҳ маълумоти муфассал баён гардид. Инчунин, дар рафти вохӯрӣ самтҳои асосии ҳамкориҳо ва дурнамои густариши минбаъдаи онҳо дар самтҳои гуногун мавриди баррасӣ қарор дода шуд.
Ҷонибҳо омодагии худро барои таҳкими робитаҳои илмӣ-тадқиқотӣ, табодули таҷриба, баргузории чорабиниҳо ва семинарҳои муштарак, инчунин таҳияи маводҳои муштараки илмӣ-таҳқиқотӣ изҳор намуданд. Дар доираи вохӯрӣ баимзорасонии Ёддошти тафоҳум дар бораи ҳамкорӣ байни Маркази миллии қонунгузории назди Президенти Ҷумҳурии Тоҷикистон ва Донишгоҳи сиёсатшиносӣ ва ҳуқуқи Гансу ба нақша гирифта шуд.
