Имрӯз, 19 марти соли 2025, раиси вилояти Хатлон Давлатали Саид бо ҷараёни корҳои сохтмонӣ дар бинои сеошёнаи муассисаи таҳсилоти миёнаи умумии №51 дар деҳаи Шогарави ҷамоати Носири Хусрави ноҳияи Кубодиён шинос шуд.
Мавриди назар қарор дорад, ки ин муассиса ба ифтихори 35-солагии Истиқлолияти Ҷумҳурии Тоҷикистон бунёд меёбад. Тавзеҳ дода шуд, ки ин муассисаи сеошёна бо таҳхона барои 1500 ҷойи нишаст аз ҷониби соҳибкори маҳаллӣ Маликов Зафар сохта шуда, арзиши лоиҳа зиёда аз 1 миллион доллари амрикоӣ мебошад.
Дар бинои муассиса 24 синфи таълимӣ, толори маҷлисҳо, ду кабинетҳои технологӣ барои духтарон, ошхона, китобхона ва майдони варзишӣ ҷойгир мебошад.
Раиси вилоят Давлатали Саид бо сохтмончиён ва роҳбарон суҳбат анҷом дода, таъкид намуд, ки онҳо бояд корҳои ободонии муассисаҳои идонаро васеъ намуда, бо ҷалби аҳолии маҳаллӣ саҳми арзишманд дар ободонии деҳаҳои худ гузоранд. Сарвари вилоят ташаббуси соҳибкори маҳаллии сохтмони муассисаи таълимиро баланд баҳогузорӣ кард.
