Бо эҳсоси баланди ватандӯстӣ, ифтихори миллӣ ва арҷгузорӣ ба арзишҳои муқаддаси давлатдорӣ Шумо ва дар шахсияти Шумо тамоми кормандонатонро аз номи Агентии хоҷагии ҷангали назди Ҳукумати Ҷумҳурии Тоҷикистон ба муносибати ҷашни фархундаи миллӣ 35-солагии Истиқлоли давлатии Ҷумҳурии Тоҷикистон самимона табрику муборакбод менамоем.
Истиқлоли давлатӣ барои миллати тоҷик ҳамчун дастоварди бузурги таърихӣ, пояи устувори давлатдории миллӣ, рамзи соҳибихтиёрӣ ва таҷассумгари ормонҳои деринаи давлатсозии миллати куҳанбунёди тоҷик аҳамияти бузург дорад.
Дар давоми 35 соли соҳибистиқлолӣ мардуми сарбаланди Тоҷикистон таҳти роҳбарии хирадмандона ва созандаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, роҳи пурифтихори давлатсозӣ ва давлатдориро тай намуда, барои таҳкими истиқлоли давлатӣ, пойдории сулҳу субот, ваҳдати миллӣ ва рушди устувори кишвар қадамҳои устувор гузоштанд.
Дар ин марҳилаи муҳими таърихӣ ваҳдати миллӣ ҳамчун омили асосии суботу оромӣ, таҳкими давлатдорӣ ва пешрафти ҷомеа устувор гардида, Ҷумҳурии Тоҷикистон ҳамчун давлати мустақилу соҳибихтиёр дар арсаи байналмилалӣ мавқеи шоиста ва сазовори худро пайдо намуд.
35 соли Истиқлоли давлатӣ барои Тоҷикистони соҳибистиқлол давраи муҳими бунёдкорӣ, созандагӣ ва рушди ҳамаҷонибаи иқтисодию иҷтимоӣ ба шумор рафта, дар ин давра иқтидори давлат таҳким ёфта, сатҳу сифати зиндагии мардум беҳтар гардида, нуфузу обрӯи Тоҷикистони азиз дар ҷомеаи ҷаҳонӣ боз ҳам афзун гардид.
Ҷашни 35-солагии Истиқлоли давлатии Ҷумҳурии Тоҷикистон моро водор месозад, ки бо шукргузорӣ аз соҳибистиқлолӣ ва сулҳу ваҳдати миллӣ ба ояндаи дурахшони Ватани маҳбубамон бо эътимоди бештар назар намуда, дар роҳи ободиву пешрафти кишвар саҳми арзандаи худро гузорем.
Бо ифтихор аз ин дастоварди бузурги таърихӣ, бори дигар Шумо ва тамоми кормандонатонро ба муносибати 35-солагии Истиқлоли давлатии Ҷумҳурии Тоҷикистон самимона табрик намуда, ба Шумо саломатии бардавом, умри пурбаракат, саодати рӯзгор, фаъолияти пурсамар ва дар роҳи хизмат ба Ватан комёбиҳои рӯзафзун орзу менамоем.
Бигзор Истиқлоли давлатии Ҷумҳурии Тоҷикистон ҷовидон, сулҳу ваҳдати миллӣ пойдор, фазои кишвар осоишта ва Тоҷикистони маҳбуби мо ҳамеша ободу сарсабз, пешрафтаву шукуфон бошад.
