Баргузории чорабинии тантанавӣ бахшида ба Рӯзи Президенти Ҷумҳурии Тоҷикистон

 

Чорабинӣ бо садо додани Суруди миллӣ оғоз гардида, дар расми ифтитоҳи он роҳбарияти Кумита таҷлил аз Рӯзи Президенти Ҷумҳурии Тоҷикистонро рамзи арҷгузорӣ ба хидматҳои Пешвои муаззами миллат дар самти таҳкими пояҳои истиқлол, таъмини сулҳу субот, ваҳдати миллӣ ва рушди тамоми бахшҳои ҳаëти кишвар арзёбӣ намуданд.

Дар идома Зубайдулло Давлатов, ходими калони илмии Институти омӯзиши масъалаҳои давлатҳои Осиë ва Аврупои АМИТ дар мавзуи "Пешвои миллат - бунëдгузори давлати миллӣ" суханронӣ намуд.

Зубайдулло Давлатов аз ҷумла зикр кард, ки таҷрибаи давлатдории Сарвари давлати мо имрӯз аз ҷониби чандин кишвари ҷаҳон мавриди омӯзиш қарор дорад. Таъкид шуд, ки ҷашн гирифтани Рӯзи Президенти Ҷумҳурии Тоҷикистон нишони муҳаббату садоқати тамоми мардуми мамлакат ба Пешвои миллат мебошад.

Дар охир миёни кормандони Кумита перомуни ташаббусу иқдомҳои шоёни милливу байналмилалии Президенти кишвар табодули афкор сурат гирифт.