Loading…

Press Center — Executive Authorities of the State Power of the City of Kulob — Page 11

Executive Authorities of the State Power of the City of Kulob

Home page
About the authority
Areas of activity
Press Center
Documents
Reception
Vacancies
Tenders

Subscribe to updates

Home
Executive Authorities of the State Power of the City of Kulob
Press Center

Executive Authorities of the State Power of the City of Kulob

News

On this page you can find the latest news, important articles and official announcements, as well as information about forums, meetings, events and other activities of government authorities. All materials are updated regularly to keep you informed about key events and initiatives.

Unified State Internet PortalExecutive Authorities of the State Power of the City of Kulob

General

Centralised website of government and municipal services

Contacts

Address: Republic of Tajikistan, Khatlon Region, Kulob City Ismoili Somoni Avenue Contact: +(992) 833-222-22-33 Email: kulob_matbuot@mail.ru

5 October 2026

Президенти Ҷумҳурии Тоҷикистон муҳтарам Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд Октябр 5, 2026 5 октябр сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба шаҳру ноҳияҳои вилояти Хатлон дар шаҳри Кӯлоб идома ёфт. Нахуст Пешвои миллат муҳтарам Эмомалӣ Раҳмон корхонаи истеҳсоли нӯшокиҳои ташнагишикани ҷамъияти дорои масъулияти маҳдуди Мабноро ба истифода доданд. Корхона дар масоҳати 7 ҳазор метри мураббаъ бунёд гардида, бо хатҳои технологии муосир муҷаҳҳаз мебошад. Иқтидори истеҳсолии он 32 тонна маҳсулот дар як шабонарӯзро ташкил медиҳад. Ба Сарвари давлат муҳтарам Эмомалӣ Раҳмон иттилоъ дода шуд, ки дар корхона истеҳсоли 15 намуди маҳсулот ба роҳ монда шудааст. Дар корхона бо истифода аз хатҳои технологии муосир марҳилаҳои асосии истеҳсол ва бастабандии маҳсулот ба роҳ монда шудаанд. Корхона бо ташаббуси соҳибкори ватанӣ Ҷамшед Аҳмадзода бунёд гардида, бо оғози фаъолияти он 120 ҷойи корӣ муҳайё гаштааст. Зимни муаррифии корхона ба Пешвои миллат муҳтарам Эмомалӣ Раҳмон иттилоъ дода шуд, ки истеҳсоли 15 намуди маҳсулот имконият медиҳад доираи маҳсулоти пешниҳодшаванда васеъ гардида, талаботи бозори дохилӣ ба нӯшокиҳои истеҳсоли ватанӣ бештар таъмин карда шавад. Ба истифода додани корхона дар баробари зиёд намудани ҳаҷми маҳсулоти саноатӣ, барои рушди соҳибкории истеҳсолӣ ва ташкили ҷойҳои нави корӣ дар шаҳри Кӯлоб замина фароҳам меорад. Пешвои миллат муҳтарам Эмомалӣ Раҳмон ба масъулин дастур доданд, ки иқтидорҳои истеҳсолии корхона самаранок истифода гардида, ҳаҷми истеҳсолот ва номгӯи маҳсулот минбаъд зиёд карда шавад. Таъкид гардид, ки ба сифати маҳсулот, риояи талаботи технологӣ ва санитарӣ, истифодаи самараноки таҷҳизот ва таъмини бозори дохилӣ бо маҳсулоти хушсифати ватанӣ диққати ҷиддӣ дода шавад. Корхонаи нӯшокиҳои ташнагишикани ҷамъияти дорои масъулияти маҳдуди Мабно бо иқтидори истеҳсоли 32 тонна маҳсулот дар як шабонарӯз, 15 намуди маҳсулот ва 120 ҷойи корӣ дар рушди истеҳсолоти ватанӣ талош меварзад.

4 October 2026

Ифтитоҳи қисми минтақавии Раёсати Вазорати корҳои дохилӣ дар вилояти Хатлон оид ба гурӯҳи ноҳияҳои Кӯлоб 04.10.2026 Қисми минтақавии Раёсати Вазорати корҳои дохилӣ дар вилояти Хатлон оид ба гурӯҳи ноҳияҳои Кӯлоб иншооти дигари тозабунёд дар маркази шаҳри Кӯлоб мебошад, ки 4 октябр бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ифтитоҳ гардид. Зимни шиносоӣ ба Роҳбари давлат иттилоъ дода шуд, ки дар ин бинои бисёрошёна барои кормандони 20 шуъба ва гурӯҳҳои 10 ноҳияи минтақаи Кӯлоб шароити муосири хизматӣ фароҳам оварда шудааст. Бинои қисми минтақавии Раёсати Вазорати корҳои дохилӣ дар вилояти Хатлон оид ба гурӯҳи ноҳияҳои Кӯлоб бо ҷалби коргарони маҳаллӣ ва бо истифодаи масолеҳи босифати сохтмонӣ бунёд шуда, ба муносибати 35-солагии Истиқлоли давлатӣ туҳфаи арзишманди Ҳукумати кишвар ба кормандони ин мақомот гардид. Дар ин ҷо барои мутахассисони шуъбаву гурӯҳҳо ҳуҷраҳои кории муҷаҳҳаз бо таҷҳизоти муосир, ҳуҷраи хоб ва дигар шароити зарурӣ таъмин шудааст. Қисми минтақавии Раёсати Вазорати корҳои дохилӣ дар вилояти Хатлон оид ба гурӯҳи ноҳияҳои Кӯлоб бо дастгирии Ҳукумати кишвар аз ҷониби Раёсати сохтмони Вазорати корҳои дохилӣ бо тарҳи муосир ва ҷавобгӯи талаботи меъморӣ сохта шуда, дорои маҷлисгоҳи барҳаво бо 354 курсӣ, ошхона, меҳмонхона, толори варзиш, таваққуфгоҳ ва дигар ҷойҳои зарурӣ мебошад. Пешвои миллат муҳтарам Эмомалӣ Раҳмон зимни суҳбат бо масъулону кормандони соҳа, онҳоро ба хизмати софдилона ба Ватан ҳидоят намуданд. Ба таъкиди Роҳбари давлат, дар замони ҷаҳонишавӣ бояд ҳар як корманди мақомоти ҳифзи ҳуқуқ ҳушёру зирак бошад, донишу малакаи худро сайқал диҳад, дар роҳи ҳифзи ҳуқуқу озодиҳои мардум ва таъмини тартиботи ҷамъиятӣ софдилонву содиқона хизмат намояд

4 October 2026

4 October 2026

Зиёрати оромгоҳи Мир Сайид Алии Ҳамадонӣ 04.10.2026 4 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳри Кӯлоб нахуст бо нишони эҳтиром ва арҷгузорӣ ба гузаштагон, оромгоҳи олими тавоно ва мутаффакири барҷаста Мир Сайид Алии Ҳамадониро зиёрат намуданд. Пешвои миллат муҳтарам Эмомалӣ Раҳмон барои сулҳу оромии Ватан, осоиштагии аҳли башар, саодату зиндагии шоистаи мардуми Тоҷикистони соҳибистиқлол дуо ва фотеҳаи нек намуданд. Оромгоҳи шахсияти хирадманди миллати тоҷик Мир Сайид Алии Ҳамадонӣ ёдгории таърихӣ-бостонӣ аз асрҳои 14 ва 15-и мелодист, ки дар маркази шаҳри Кӯлоб ҷой гирифтааст. Бинои ин ёдгории таърихӣ аз санъати миллии меъморӣ, ҳунари зебоиофарии устоҳои чирадасти маҳаллӣ, ки таҷассумгари санъати баланди миллии тоҷикианд, шаҳодат медиҳад. Дар даврони соҳибистиқлолии кишвар ин макони муқаддас бо дастгириҳои Сарвари давлат дар солҳои 1995, 2006 ва 2015 таҷдиду навсозӣ гардид. Ҳамарӯза меҳмонон ва сайёҳони хориҷӣ аз ин ёдгории таърихию фарҳангӣ дидан менамоянд. Пешвои миллат муҳтарам Эмомалӣ Раҳмон барои боз ҳам ободу зебо гардонидани атрофи оромгоҳ ва риояи суннатҳои миллӣ ба масъулин дастуру супоришҳои судманд доданд.

All news

20 January 2026

15.01.2026. шаҳри Кӯлоб

Дар асоси нақша-чорабиниҳои Мақомоти иҷроияи ҳокимияти давлатии шаҳри Кӯлоб баргузории вохӯрии гуруҳи таблиғотӣ ҷиҳати шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат, тарбияи ҷавонон дар руҳияи…

20 January 2026

ШАҲРИ КӮЛОБ ДАР МИЁНИ ШАҲРҲО "ШАҲРИ БЕҲТАРИН" ДОНИСТА ШУДА САЗОВОРИ ҶОЙИ ЯКУМ ГАРДИД

Ба ифтихори 35- солагии Истиқлоли давлатии Ҷумҳурии Тоҷикистон миёни шаҳру ноҳияҳои вилояти Хатлон шаҳри Кӯлоб Ғолиби Озмуни вилоятӣ дар номинатсияи "шаҳри Беҳтарин" дар соли 2025 дониста шуда, сазовори ҷойи якум гардид. Ин муваффақият самараи…

13 January 2026

ПАЁМ-РАҲНАМОИ ЗАНОН

ҲАМОИШИ ЗАНОНУ ҶАВОНДУХТАРОНИ КӮЛОБШАҲРИ БОСТОНӢ ҶИҲАТИ БАРРАСИИ МУҲТАВОИ ПАЁМИ ТАҚДИРСОЗИ КИШВАР БА МАҶЛИСИ ОЛИИ ҶУМҲУРИИ ТОҶИКИСТОН!

News

All news

15.01.2026. шаҳри Кӯлоб

15.01.2026. шаҳри Кӯлоб

13.01.2026. шаҳри Кӯлоб

13.01.2026. шаҳри Кӯлоб

13.01.2026. шаҳри Кӯлоб

13.01.2026. шаҳри Кӯлоб

ШАҲРИ КӮЛОБ ДАР МИЁНИ ШАҲРҲО "ШАҲРИ БЕҲТАРИН" ДОНИСТА ШУДА САЗОВОРИ ҶОЙИ ЯКУМ ГАРДИД

ПАЁМ-РАҲНАМОИ ЗАНОН