Санаи 17 феврали соли ҷорӣ дар Ҷамоати деҳоти Дурбад, деҳаи Ҷавонон бахшида ба таҷлили 35-солагии Истиқлолияти давлатии Ҷумҳурии Тоҷикистон мусобиқаи футболи Ҷоми мақомоти иҷроияи ҳокимияти давлатии шаҳри Ҳисор бо усули «деҳа ба деҳа» дар фазои…
Санаи 17 феврали соли ҷорӣ дар Ҷамоати деҳоти Дурбад, деҳаи Ҷавонон бахшида ба таҷлили 35-солагии Истиқлолияти давлатии Ҷумҳурии Тоҷикистон мусобиқаи футболи Ҷоми мақомоти иҷроияи ҳокимияти давлатии шаҳри Ҳисор бо усули «деҳа ба деҳа» дар фазои тантанавӣ ва сатҳи баланди ташкилӣ баргузор гардид.
Чорабинии варзишӣ бо мақсади тарғиби тарзи ҳаёти солим, рушди оммавияти варзиш, таҳкими дӯстиву ҳамдигарфаҳмӣ миёни сокинон, инчунин ҷалби ҷавонону наврасон ба машғулиятҳои мунтазами варзишӣ роҳандозӣ карда шуд.
Дар маросими ифтитоҳи мусобиқа Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон — Гулаҳмадзода Зулфикор Аҳмад иштирок ва суханронӣ намуда, нақши варзишро дар таҳкими саломатии ҷомеа, тарбияи насли ҷавон дар рӯҳияи ватандӯстӣ ва баланд бардоштани ифтихори миллӣ муҳим арзёбӣ карданд.
Мусобиқа бо иштироки дастаҳои деҳаю маҳаллаҳои ҷамоатҳои шаҳраку деҳоти шаҳр ҷараён гирифта, дар фазои рақобати солим ва рӯҳияи баланди варзишӣ баргузор мегардад. Тибқи низомнома, дастаҳо байни ҳам қувваозмоӣ намуда, беҳтаринҳо ба даврҳои минбаъда роҳхат мегиранд.
Ғолибон ва ҷоизадорони мусобиқа бо Ҷом, диплом, медал ва туҳфаҳои хотиравии мақомоти иҷроияи ҳокимияти давлатии шаҳри Ҳисор сарфароз гардонида мешаванд.
Бояд зикр намуд, ки баргузории чунин мусобиқаҳои варзишӣ омили муҳими рушди футболи маҳаллӣ, таҳкими саломатии ҷомеа ва боз ҳам боло бурдани ҳисси ифтихор аз дастовардҳои даврони соҳибистиқлолии кишвар ба шумор меравад.
