Дастурамали мансабии мутахассиси шуъбаи геология

Замимаи 7 Бо фармоиши сардори Саридораи геологияи назди Ҳукумати Ҷумҳурии Тоҷикистон аз « 13 » апрели соли 2026 №24-Ф тасдиқ шудааст. Дастурамали мансабии мутахассиси шуъбаи геологияи Саридораи геологияи назди Ҳукумати Ҷумҳурии Тоҷикистон Боби 1.…

Замимаи 7

Бо фармоиши сардори

Саридораи геологияи назди Ҳукумати Ҷумҳурии Тоҷикистон

аз « 13 » апрели соли 2026

№24-Ф тасдиқ шудааст.

         

Дастурамали

мансабии мутахассиси шуъбаи геологияи Саридораи геологияи назди Ҳукумати Ҷумҳурии Тоҷикистон

 

Боби 1. Муқаррароти умумӣ

1. Номи мансаб - мутахассиси шуъбаи геологияи Саридораи геологияи назди Ҳукумати Ҷумҳурии Тоҷикистон.
2. Мансаби мазкур тибқи Феҳристи мансабҳои давлатии Ҷумҳурии Тоҷикистон ба мансабҳои категорияи ҳафтум мансуб мебошад.
3. Ишғолкунандаи мансаби мазкур ба сардори шуъбаи геологияи Саридораи геологияи назди Ҳукумати Ҷумҳурии Тоҷикистон тобеъ ва ҳисоботдиҳанда мебошад.
4. Мутахассиси шуъбаи геологияи Саридораи геологияи назди Ҳукумати Ҷумҳурии Тоҷикистон (минбаъд - мутахассиси шуъба) аз тарафи сардори Саридораи геология (минбаъд - сардори Саридора) бо дастрасии қонунгузории Ҷумҳурии Тоҷикистон дар соҳаи хизмати давлатӣ ба мансаб таъин ва озод карда мешавад.

Боби 2. Талаботи тахассусӣ барои ишғоли мансаби

 мутахассиси шуъбаи геология

5. Мутахассиси шуъба бо риояи талаботи тахассусии зерин мансаби мазкурро ишғол менамояд:

- донистани Конститутсияи Ҷумҳурии Тоҷикистон, қонунҳо, дигар санадҳои меъёрии ҳуқуқии Ҷумҳурии Тоҷикистон ва санадҳои ҳуқуқии байналмилалии эътирофнамудаи Ҷумҳурии Тоҷикистон, ки иҷрои уҳдадориҳои мансабии мутахассиси шуъбаро ба танзим медароранд;

-донистани таърих, фарҳанг, муқаддасоти миллӣ, забони давлатӣ ва забонҳои хориҷӣ;

-малакаи хуби муошират, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;

- одобу ахлоқи шоиста, ҳисси баланди эҳтиром нисбат ба ҳуқуқ ва озодиҳои инсон, шаҳрвандон ва ҳамкорон;

-на камтар аз 1 маротиба дар 3 сол баланд бардоштани тахассуси касбӣ;

        -донистани самтҳои асосии сиёсати дохилӣ ва хориҷии Ҷумҳурии Тоҷикистон;

        -таҳсилоти олии геологӣ;

        -малакаи кор бо компютер ва технологияҳои дигари иттилоотӣ;

        -дигар талаботҳои муқаррарнамудаи қонунгузории Ҷумҳурии Тоҷикистон.

 

Боби 3. Уҳдадориҳои мансабии мутахассиси шуъбаи геология

 

6. Мутахассиси шуъбаи геология дорои уҳдадориҳои зерин мебошад:

  - ҳуҷҷатгузориро дар шуъба мебарад;

  - қабул, баҳисобгирӣ ва нигоҳдории қисмҳои геологию методии лоиҳаҳо, ҳисоботҳо ва дигар маводҳои геологиро иҷро менамояд;

- саривақт супоридани маводҳоро ба шуъба аз ҷониби корхонаҳо назорат мекунад;

  - қоидаҳои баҳисобгирӣ ва нигоҳдории маводҳои геологиро риоя мекунад.

 

Боби 4. Ҳуқуқҳои  мутахассиси шуъбаи геология

7. Мутахассиси шуъбаи геология дорои ҳуқуқҳои зерин мебошад:

- дар баррасии масъалаҳои ба фаъолияти шуъба дахлдошта ва қабули қарор аз рӯи онҳо иштирок намояд;

- маводҳои дар ихтиёри Саридораи геология қарордоштаро  омӯзад;

- доир ба гузаронидани корҳои иктишофии геологӣ бо вайронкунии талаботҳои усули муқаррарнамуда, дастурамалҳои соҳавии амалкунанда, тавсияҳо, фармонҳо ва дигар ҳуҷҷатҳои меъёрӣ гузаронидашавандаро ба сардори шуъба маълумот пешниҳод намояд;

- бо розигии сардори шуъба, шуъбаро дар муносибат бо дигар ташкилотҳои низоми Саридораи геология намояндагӣ кунад;

- мутахассиси шуъбаи геология дорои дигар ҳуқуқҳое мебошад, ки санадҳои меъёрии ҳуқуқии Ҷумҳурии Тоҷикистон пешбинӣ намудаанд.

Боби 5. Масъулияти мутахассиси   шуъбаи геология

8. Мутахассиси шуъбаи геология дорои чунин масъулиятҳо мебошад:

- барои риоя накардани маҳдудиятҳое, ки мувофики қонунҳои Ҷумҳурии Тоҷикистон «Дар бораи хизмати давлатӣ» ва «Дар бораи мубориза бар зидди коррупсия» муқаррар карда шудаанд;

- барои пешниҳод накардани эъломияҳо оид ба андоз аз даромад ва оид ба вазъи амвол дар муҳлатҳои муқарраргардида;

- барои саривақт ва ё ба таври дахлдор иҷро накардани вазифаҳои шуъба ва уҳдадориҳои мансабӣ, риоя накардани интизоми меҳнат ва қоидаҳои тартиботи дохилӣ аз ҷониби кормандони шуъба;

      - барои риоя накардани муқаррароти Қонуни Ҷумҳурии Тоҷикистон “Дар бораи танзими ҷашну маросим”;

- барои ошкор намудани сирри давлатӣ ва дигар сирре, ки бо санадҳои меъёрии ҳуқуқии Ҷумҳурии Тоҷикистон ҳифз карда мешаванд;

- дигар масъулияте, ки санадҳои маъёрии ҳуқуқии Ҷумҳурии Тоҷикистон муқаррар намудаанд.

9. Мутахассиси шуъбаи геология барои иҷро накардан ва ё ба таври дахлдор иҷро накардани уҳдадориҳои мансабӣ, истифодаи ғайримақсаднок ва нобуд сохтани моликиятӣ барои иҷрои уҳдадориҳои мансабӣ вобастакардашуда тибқи қонунгузорӣ ба ҷавобгарӣ кашида мешавад.

 

Боби 6. Муқаррароти хотимавӣ

10. Аз тарафи шуъбаи ҳуқуқ ва кор бо кадрҳо ба мутахассиси шуъбаи геология бо гирифтани имзо, сабти ному насаб ва гузоштани таърихи рӯз дар китоби бақайдгирии дастурамалҳои мансабӣ, нусхаи дастурамали мансабии мутахассиси шуъба супорида мешавад.
11. Ҳангоми таҷдиди шуъба ва дигар ҳолатҳое, ки боиси тағйир ёфтани дастурамали мансабии мутахассиси шуъба мегарданд, дастурамали мансабии мазкур аз нав таҳия ва тасдиқ карда мешавад.