Дастурамали мансабии сармутахассиси шуъбаи илм ва таҳияи ҳуҷҷатҳои меъёрӣ

Замимаи 4 бо фармоиши cардори Саридораи геологияи назди Ҳукумати Ҷумҳурии Тоҷикистон аз « 01 » апрели соли 2024, № 25-ф тасдиқ карда шудааст ДАСТУРАМАЛИ мансабии сармутахассиси шуъбаи илм ва таҳияи ҳуҷҷатҳои меъёрии Саридораи геологияи назди…

Замимаи 4

бо фармоиши cардори     Саридораи геологияи назди Ҳукумати Ҷумҳурии Тоҷикистон

аз « 01 » апрели соли 2024, № 25-ф

тасдиқ карда шудааст 

 

ДАСТУРАМАЛИ

мансабии сармутахассиси шуъбаи илм ва таҳияи ҳуҷҷатҳои меъёрии Саридораи геологияи назди Ҳукумати Ҷумҳурии Тоҷикистон

 

1. Муқаррароти умумӣ

 

1. Номи мансаб – сармутахассиси шуъбаи илм ва таҳияи ҳуҷҷатҳои меъёрии Саридораи геологияи назди Ҳукумати Ҷумҳурии Тоҷикистон.
2. Мансаби мазкур тибқи Феҳристи мансабҳои давлатии Ҷумҳурии Тоҷикистон ба мансабҳои категорияи панҷ мансуб аст.
3. Ишғолкунандаи мансаби мазкур ба сардори Саридораи геологияи назди Ҳукумати Ҷумҳурии Тоҷикистон тобеъ ва ҳисоботдиҳанда мебошад.
4. Сармутахассиси шуъбаи илм ва таҳияи ҳуҷҷатҳои меъёрии Саридораи геологияи назди Ҳукумати Ҷумҳурии Тоҷикистон (минбаъд-сармутахассис) аз тарафи сардори Саридораи геологияи назди Ҳукумати Ҷумҳурии Тоҷикистон (минбаъд – сардори Саридора) ба мансаб таъин ва озод карда мешавад:
5. Талаботи тахассусї

 

5. Сармутахассис бо риояи талаботи тахассусии зерин мансаби мазкурро ишғол менамояд:

• донистани Конститутсияи Ҷумҳурии Тоҷикистон, қонунҳо, дигар санадҳои меъёрии ҳуқуқии Ҷумҳурии Тоҷикистон ва санадҳои ҳуқуқии байналмилалии эътирофнамудаи Ҷумҳурии Тоҷикистон, ки иҷрои уҳдадориҳои мансабии шуъбаро ба танзим медароранд;
• донистани таърих, фарҳанг, муқаддасоти миллӣ, забони давлатӣ, як забони хориҷӣ;
• донистани самтҳои асосии сиёсати дохилӣ ва хориҷии Ҷумҳурии Тољикистон;
• мавҷудияти дониш ва малакаи банақшагирии раванди кор;
• малакаи хуби муошират, аз ҷумла, маҳорати ба роҳ мондани ҳамкорӣ ҳангоми татбиқи манфиатҳои давлатӣ;
• на камтар аз 1 маротиба дар 3 сол баланд бардоштани тахассуси касбӣ;
• маълумоти олии соҳаи геология;
• 3 сол собиқаи хизмати давлатӣ дар мансабҳои категорияи панҷум ё 5 сол собиқаи умумии хизмати давлатӣ ё 6 сол собиқаи умумии меҳнатӣ аз рўи ихтисос;
• кор карда тавонистан бо компютер.

6. Дар давраи муваққатан ҳозир набудани сардори шуъба, иҷрои уҳдадориҳои мансабии ў бо фармони сардори Саридора ба сармутахассиси шуъба вогузор карда мешаванд.

 

3. Уҳдадориҳои мансабии сармутахассиси шуъба

 

7. Сармутахассиси шуъба дорои уҳдадориҳои зерин мебошад:

• супоришҳои сардори шуъба ва роҳбарияти Саридораро дар муҳлатҳои таъиншуда иҷро менамояд;
• дар баррасии лоиҳаҳои санадҳои меъёрии ҳуқуқии Ҷумҳурии Тоҷикистон, ки аз тарафи дигар мақомоти давлатӣ барои мувофиқа пешниҳод карда шудаанд, мустақилона ё дар якҷоягӣ бо дигар кормандони шуъбаи иштирок менамояд;
• омўхтани вазъи бозори ҷаҳонии ашёи минералӣ;
• омўхтани базаи ашёи минералии корхонаҳои кўҳӣ;
• таҳияи ҳуҷҷатҳои меъёрию ҳуқуқӣ вобаста ба соҳаи геология;
• фаъолият дар асоси қонуни Ҷумҳурии Тоҷикистон “Дар бораи сарватҳои зеризаминӣ” ва дигар қонунҳои амалкунандаи Ҷумҳурии Тоҷикистон;
• фаъолият мувофиқи Низомномаи Саридораи геология;
• маълумоти кофӣ доштан дар бораи вазъи иқтисодиёти кишвар, иқтисодиёти ашёи минералӣ, кондитсияҳо ба намудҳои ашёи минералӣ
• коргузорӣ оид ба усулҳои ҷустуҷӯ ва иктишофи ашёи минералӣ;

Дигар ваколатҳои шуъба, супоришҳои сардори Саридора ва муовинони сардори Саридораро иҷро менамояд.

 

4. Ҳуқуқҳои сармутахассиси шуъба

 

8. Сармутахассиси шуъба дорои ҳуқуқҳои зерин мебошад:

• дар баррасии масъалаҳои ба фаъолияти шуъба дахлдошта ва қабули қарор аз рўи онҳо иштирок менамояд;
• маводҳои дар ихтиёри Саридора қарордоштаро меомўзад;
• бо тартиби муқарраргардида иҷрои масъалаҳои таҳти назорати шуъба қарордоштаро аз идораҳои дахлдор талаб менамояд;
• шуъбаро дар муносибат бо дигар воҳидҳои сохторӣ ва сохторҳои минтқавии Саридора намояндагӣ мекунад;
• ба роҳбарияти Саридора аз рўи ҳамаи намуди масъалаҳои ба салоҳияти шуъба дахлдор таклифҳо пешниҳод мекунад;
• ба маводҳои воридшуда дар якҷоягӣ бо дигар шуъбаҳои Саридора хулоса пешниҳод менамояд;

Сармутахассиси шуъба дорои дигар ҳуқуқҳое мебошад, ки санадҳои меъёрии ҳуқуқии Ҷумҳурии Тоҷикистон пешбинӣ намудаанд.

 

5. Масъулияти сармутахассиси шуъба

 

9. Сармутахассиси шуъба барои иҷро накардан ва ё ба таври дахлдор иҷро накардани уҳдадориҳои мансабӣ, истифодаи ғайри мақсаднок ва нобуд сохтани моликияти барои иҷрои уҳдадориҳои мансабӣ вобастакардашуда тибқи қонунгузорӣ ба ҷавобгарӣ кашида мешавад.

 

6. Муқаррароти хотимавӣ

 

10. Аз тарафи хадамоти кадрӣ ба сармутахассиси шуъба бо гирифтани имзо, сабти ному насаб ва гузоштани таърихи рўз дар китоби бакайдгирӣ, нусхаи Дастурамали мансабии сармутахассиси шуъба супорида мешавад.
11. Ҳангоми таҷдиди шуъба ва дигар ҳолатҳое, ки боиси тағйир ёфтани Дастурамали мансабии сармутахассиси шуъба мегарданд, Дастурамали мансабии мазкур аз нав таҳия ва тасдиқ карда мешавад.