Маросими ҷоизасупории панҷумин Фестивал -симпозиуми "Фалак" дар Театри опера ва балети ба номи С.Айнӣ

Имрӯз 16-уми октябри соли 2025 дар Театри давлатии академии опера ва балети ба номи Садриддин Айнӣ барномаи пуршукӯҳи консертӣ ва маросими ҷоизасупории панҷумин Фестивал -симпозиуми "Фалак" бо иштироки васеи ҳаводорони ин жанри мусиқӣ доир гардид.

Бояд ёдовар шуд, ки Фестивал-симпозиуми байналмилалӣ дар доираи татбиқи «Барномаи давлатии рушди санъати шашмақом, фалак ва мактаби суннатии «устод-шогирд» дар Ҷумҳурии Тоҷикистон барои солҳои 2024-2028» доир шуд.

Қайд кардан бамаврид аст, ки дар Фестивали мазкур фалаксароён аз вилоятҳои Суғду Хатлон, Вилояти Мухтори Кӯҳистони Бадахшон, шаҳри Турсунзода, ноҳияи Файзобод, Ансамбли давлатии «Фалак»-и назди Кумитаи телевизион ва радиои назди Ҳукумати Ҷумҳурии Тоҷикистон ва ҳунармандон аз Ҷумҳурии Озарбойҷон иштирок намуданд.